'ಸಲಿಂಗಕಾಮ ಅಪರಾಧವಲ್ಲ, ದೇವರು ತನ್ನೆಲ್ಲಾ ಮಕ್ಕಳನ್ನು ಪ್ರೀತಿಸುತ್ತಾನೆ' - ಪೋಪ್ ಫ್ರಾನ್ಸಿಸ್

•   Thu, Jan 26 2023 12:40:20 PM



• ವ್ಯಾಟಿಕನ್ ಸಿಟಿ ಜ 26( DaijiworldNews/MS):ಸಲಿಂಗಕಾಮಿಯಾಗಿರುವುದು ಅಪರಾಧವಲ್ಲ. ದೇವರು ತನ್ನ ಎಲ್ಲಾ ಮಕ್ಕಳನ್ನು ಅವರಂತೆಯೇ ಪ್ರೀತಿಸುತ್ತಾನೆ. ಸಲಿಂಗಕಾಮವನ್ನು ಅಪರಾಧೀಕರಿಸುವ ಕಾನೂನುಗಳಿಂದ ಅನ್ಯಾಯ ಎಸಗಿದಂತೆ ಆಗುತ್ತದೆ ಎಂದು ಪೋಪ್ ಫ್ರಾನ್ಸಿಸ್ ಅಭಿಪ್ರಾಯಪಟ್ಟಿದ್ದಾರೆ.

  ಅಸೋಸಿಯೇಟೆಡ್ ಪ್ರೆಸ್‌ಗೆ ಮಂಗಳವಾರ ನೀಡಿದ ಸಂದರ್ಶನದಲ್ಲಿ ಮಾತನಾಡಿ, "ಕ್ಯಾಥೋಲಿಕ್ ಬಿಷಪ್‌ಗಳು ಚರ್ಚ್‌ಗಳಲ್ಲಿ ಎಲ್‌ಜಿಬಿಟಿಕ್ಯೂ ಜನರಿಗೆ ಬೆಂಬಲ ವ್ಯಕ್ತಪಡಿಸಬೇಕು" ಎಂದು ಕರೆ ನೀಡಿದರು.

  ಜಗತ್ತಿನ ವಿವಿಧ ಭಾಗಗಳಲ್ಲಿ ಕೆಲವು ಕ್ಯಾಥೋಲಿಕ್ ಬಿಷಪ್‌ಗಳು ಸಲಿಂಗವನ್ನು ಅಪರಾಧಿಕರಿಸುವ ಅಥವಾ ಎಲ್‌ಜಿಬಿಟಿ ಸಮುದಾಯವನ್ನು ವಿರೋಧಿಸುತ್ತಾರೆ. ಆದರೆ, ಬಿಷಪ್‌ಗಳ ಇಂಥ ವರ್ತನೆಗೆ ಸಾಂಸ್ಕೃತಿಕ ಹಿನ್ನೆಲೆ ಕಾರಣ. ಹಾಗಾಗಿ, ಪ್ರತಿಯೊಬ್ಬರ ಘನತೆಯನ್ನ ಗುರುತಿಸಲು ಬಿಷಪ್‌ಗಳು ಬದಲಾವಣೆ ಪ್ರಕ್ರಿಯೆಯನ್ನು ಎದುರಿಸಬೇಕು ಎಂದು ಅವರು ಹೇಳಿದ್ದಾರೆ.

  ಜಗತ್ತಿನಾದ್ಯಂತ ಸುಮಾರು 67 ದೇಶಗಳು ಸಂಲಿಂಗವನ್ನು ಅಪರಾಧಿಕರಿಸಿವೆ. ಈ ಪೈಕಿ 11 ರಾಷ್ಟ್ರಗಳಲ್ಲಿ ಸಲಿಂಗಕಾಮ ಅಪರಾಧಕ್ಕಾಗಿ ಗಲ್ಲು ಶಿಕ್ಷೆಯನ್ನು ವಿಧಿಸುವ ಕಾನೂನುಗಳಿವೆ.