ಫ್ರಾನ್ಸ್‌ನ ಸ್ಟಾರ್ ಆಟಗಾರ ಕರೀಂ ಬೆಂಜೆಮಾ ಅಂತಾರಾಷ್ಟ್ರೀಯ ಫುಟ್ಬಾಲ್​​ಗೆ ವಿದಾಯ

•   Tue, Dec 20 2022 11:28:39 AM



• ಪ್ಯಾರಿಸ್, ಡಿ 20 (DaijiworldNews/DB): ಅಂತಾರಾಷ್ಟ್ರೀಯ ಫುಟ್ಬಾಲ್​​ಗೆ ಫ್ರಾನ್ಸ್​ ತಂಡದ ಸ್ಟಾರ್​ ಫುಟ್ಬಾಲ್​ ಆಟಗಾರ ಕರೀಂ ಬೆಂಜೆಮಾ ಅವರು ನಿವೃತ್ತಿ ಘೋಷಿಸಿದ್ದಾರೆ. ಕತಾರ್​ ಫಿಫಾ ವಿಶ್ವಕಪ್​ ಅಂತಿಮ ಹಣಾಹಣಿಯಲ್ಲಿ ಸೋಲನುಭವಿಸಿದ ಹಿನ್ನೆಲೆಯಲ್ಲಿ ಅವರು ಈ ನಿರ್ಧಾರ ಕೈಗೊಂಡಿದ್ದಾರೆ.

  ಫ್ರಾನ್ಸ್ ತಂಡದ ಪ್ರಮುಖ ಆಟಗಾರ ಎಂದೇ ಬಿಂಬಿಸಲಾದ ಬೆಂಜೆಮಾ, ಕೂಟ ಆರಂಭವಾಗುವುದಕ್ಕೆ ಮುನ್ನ ಅಭ್ಯಾಸ ನಡೆಸುತ್ತಿದ್ದಾಗ ಗಾಯಗೊಂಡು ಕೂಟದಿಂದ ಹೊರ ಬಿದ್ದಿದ್ದರು. ಇನ್ನು ಅವರ ಅನುಪಸ್ಥಿತಿಯಲ್ಲಿ ಅರ್ಜೆಂಟೀನಾ ವಿರುದ್ದ ಆಡಿದ ಫ್ರಾನ್ಸ್ ತಂಡ ಸೋಲೊಪ್ಪಿಕೊಂಡು ಫೈನಲ್‌ನಿಂದ ಹೊರ ಬಿದ್ದಿತು. ಈ ಹಿನ್ನೆಲೆಯಲ್ಲಿ ಬೆಂಜೆಮಾ ತಮ್ಮ ಅಂತಾರಾಷ್ಟ್ರೀಯ ಫುಟ್ಬಾಲ್‌ಗೆ ವಿದಾಯ ಘೋಷಿಸಿದ್ದಾರೆ. ಆದರೆ ಕ್ಲಬ್ ಪರ ಆಡುವುದನ್ನು ಅವರು ಮುಂದುವರಿಸಲಿದ್ದಾರೆ.

  ಇನ್ನು ವಿಶ್ವಕಪ್ ನಡೆಯಲು ಕೆಲವು ವರ್ಷಗಳಿವೆ. ಆ ಸಂದರ್ಭದಲ್ಲಿ ಆಟವಾಡಲು ನನ್ನ ದೇಹ ಸ್ಪಂದಿಸಬಹುದೇ ಎಂಬುದು ಗೊತ್ತಿಲ್ಲ. ಮುಂದೆ ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ಆಡುವ ಬದಲು ಯುವ ಆಟಗಾರರಿಗೆ ಅವಕಾಶ ನೀಡಿದರೆ ಉತ್ತಮ ಎಂದು ಯೋಚಿಸಿ ನಿವೃತ್ತಿ ತೀರ್ಮಾನ ತೆಗೆದುಕೊಂಡಿದ್ದೇನೆ. ಈ ನಿರ್ಧಾರ ಕಠಿಣವೇ ಆದರೆ, ಯುವ ಆಟಗಾರರ ಭವಿಷ್ಯ ಮತ್ತು ತಂಡದ ಭವಿಷ್ಯದ ದೃಷ್ಟಿಯಿಂದ ಉತ್ತಮ ಎಂದು ಭಾವಿಸಿರುವೆ ಎಂದವರು ಹೇಳಿಕೊಂಡಿದ್ದಾರೆ.

  2007ರಲ್ಲಿ ಅಂತಾರಾಷ್ಟ್ರೀಯ ಫುಟ್ಬಾಲ್​​ಗೆ ಪ್ರವೇಶ ಮಾಡಿದ ಬೆಂಜೆಮಾ, 2008 ಮತ್ತು 2012ರ ಯುರೋ ಕಪ್​ ಹಾಗೂ 2014ರ ವಿಶ್ವ ಕಪ್​ ಟೂರ್ನಿಯಲ್ಲಿ ಪ್ರದರ್ಶನ ನೀಡಿದ್ದರು. 2014ರ ವಿಶ್ವ ಕಪ್​ನಲ್ಲಿ ಅತಿ ಹೆಚ್ಚು ಗೋಲು ಬಾರಿಸಿದ್ದರು. ವಿವಾದವೊಂದನ್ನು ಮೈಮೇಲೆ ಎಳೆದುಕೊಂಡು 2018ರ ವಿಶ್ವ ಕಪ್​ ಟೂರ್ನಿಯಿಂದ ವಂಚಿತರಾಗಿದ್ದರು.