ನಾಗರಿಕರೇ ಎಚ್ಚರ!ನಕಲಿ ಎಟಿಎಮ್ ಬಳಸಿ ಲಕ್ಷಾಂತರ ರೂಪಾಯಿ ದೋಚುವವರಿದ್ದಾರೆ

•   Sun, Mar 03 2019 10:19:59 PM



• ಹಾಸನ,ಮಾ.03(AZM):ನಕಲಿ ಎಟಿಎಂ ಕಾರ್ಡ್ ಬಳಸಿ ವೈದ್ಯರೊಬ್ಬರ ಲಕ್ಷಾಂತರ ರೂಪಾಯಿ ದುಷ್ಕರ್ಮಿಗಳು ದೋಚಿರುವ ಘಟನೆ ಹಾಸನ ಜಿಲ್ಲೆಯ ಸಕಲೇಶಪುರದಲ್ಲಿ ನಡೆದಿದೆ.

  

  
  ಡಾ.ವಸೀಂ ಅಹಮ್ಮದ್ ಷರೀಫ್ ಎಂಬುವವರ ಎಟಿಎಂ ನಲ್ಲಿರುವ ಹಣ ದೋಚಲಾಗಿದ್ದು, ಇವರು ಕಳೆದ ಮೂರು ತಿಂಗಳ ಹಿಂದೆಯಷ್ಟೆ ಎಸ್.​ಬಿ.ಐ. ಬ್ಯಾಂಕ್‌ನ ಎಟಿಎಂ ಕಾರ್ಡ್ ಹೊಂದಿದ್ದರು. ಆದರೆ ಅವರು ಈವರೆಗೂ ಯಾವುದೇ ಆನ್‌ಲೈನ್ ವ್ಯವಹಾರ ಮಾಡಿಲ್ಲ ಎನ್ನಲಾಗಿದ್ದು, ಅವರ ಉಳಿತಾಯ ಖಾತೆಯಿಂದ ಯಾರೋ ದುಷ್ಕರ್ಮಿಗಳು ನಕಲಿ ಎಟಿಎಂ ಕಾರ್ಡ್ ಬಳಸಿ 1 ಲಕ್ಷ ರೂ. ತೆಗೆದಿದ್ದು, ಮತ್ತೆ 15 ನಿಮಿಷಗಳ ನಂತರ 1 ಲಕ್ಷ ರೂ. ತೆಗೆದಿದ್ದಾರೆ ಎಂದು ದೂರಿನಲ್ಲಿ ದಾಖಲಿಸಲಾಗಿದೆ.

  ಹಾಸನದ ಸೈಬರ್‌ ಕ್ರೈಂ ಬ್ರಾಂಚ್ ಪೊಲೀಸರು ದೂರು ದಾಖಲಿಸಿಕೊಂಡು ತನಿಖೆ ಮುಂದುವರಿಸಿದ್ದಾರೆ.