ಕಾರು ಮಾಲಕರೇ ಎಚ್ಚರ! ನಿಮ್ಮ ಕಾರಿನಲ್ಲಿ ಟಿಂಟೆಂಡ್ ಗ್ಲಾಸ್ ಇದ್ದರೆ ಕಿಸೆಗೆ ಬೀಳುತ್ತೆ ಕತ್ತರಿ

•   Sat, Mar 02 2019 08:51:34 PM



• ಮಂಗಳೂರು,ಮಾ.02(AZM):ಮಂಗಳೂರಿನ ರಸ್ತೆಗಳಲ್ಲಿ ಓಡಾಡುತ್ತಿದ್ದ ಟಿಂಟೆಂಡ್ ಗ್ಲಾಸ್ ಗಳನ್ನೊಳಗೊಂಡ ಹಲವು ಕಾರುಗಳನ್ನು ಮಂಗಳೂರು ಟ್ರಾಫಿಕ್ ಪೊಲೀಸರು ಇಂದು ವಶಪಡಿಸಿಕೊಂಡಿದ್ದಾರೆ.

  

  ಮಂಗಳೂರಿನಲ್ಲಿ ಟಿಂಟೆಡ್ ಗ್ಲಾಸ್ ಗಳನ್ನು ಒಳಗೊಂಡ ಹಲವು ಕಾರುಗಳು ಓಡಾಡುತ್ತಿರುವ ಕುರಿತು ಸಾರ್ವಜನಿಕರಿಂದ ದೊರೆತ ದೂರಿನ ಹಿನ್ನಲೆ ಈ ಕಾರ್ಯಾಚರಣೆಯನ್ನು ನಡೆಸಲಾಗಿದೆ ಎನ್ನಲಾಗಿದೆ. ಕಾರು ಮಾಲಕರ ವಿರುದ್ಧ ಕೇಸು ದಾಖಲಿಸಿ ೧೪,೩೦೦ ರೂಪಾಯಿ ದಂಡ ವಿಧಿಸಲಾಗಿದ್ದು, ಕಾರ್ಯಾಚರಣೆ ಮುಂದುವರಿಯಲಿದೆ.

  ಇನ್ನು ಟೋವಿಂಗ್ ವಾಹನಗಳನ್ನು ಕೂಡಾ ಪೊಲೀಸರು ಇಂದು ತಮ್ಮ ವಶಕ್ಕೆ ತೆಗೆದುಕೊಂಡಿದ್ದಾರೆ.