'ಬಿಟ್ಟಿ ಕೊಡುಗೆಗಳ ಆಮಿಷ ಒಡ್ಡಿದವರಿಗೆ ಸೋಲಿನ ರುಚಿ' - ಎಎಪಿ ಬಗ್ಗೆ ಶಾ ವ್ಯಂಗ್ಯ

•   Thu, Dec 08 2022 05:01:37 PM



• ಗಾಂಧಿನಗರ, ಡಿ 08( DaijiworldNews/MS): ಗುಜರಾತ್​ನಲ್ಲಿ ಬಿಜೆಪಿ ನಿಚ್ಚಳ ಗೆಲುವಿನತ್ತ ದಾಪುಗಾಲು ಹಾಕಿದ್ದು ಮತ್ತೆ ಅಧಿಕಾರ ಹಿಡಿಯುವ ವಿಶ್ವಾಸದಲ್ಲಿದೆ. ಫಲಿತಾಂಶ ಬಹುತೇಕ ಸ್ಪಷ್ಟವಾಗುತ್ತಿದ್ದಂತೆಯೇ ಬಿಜೆಪಿ ನಾಯಕ ಮತ್ತು ಹಾಲಿ ಮುಖ್ಯಮಂತ್ರಿ ಭೂಪೇಂದ್ರ ಪಟೇಲ್ ಅವರು ಗುಜರಾತ್'ನ 17 ಮುಖ್ಯಮಂತ್ರಿಯಾಗಿ ಡಿ.೧೨ ರಂದು ಸೋಮವಾರ ಪ್ರಮಾಣ ವಚನ ಸ್ವೀಕರಿಸಲು ತುದಿಗಾಲಲ್ಲಿ ನಿಂತಿದ್ದಾರೆ.

  ಇನ್ನೊಂದೆಡೆ ಬಿಜೆಪಿಗೆ ಗುಜರಾತ್​ನಲ್ಲಿ ಪ್ರಬಲ ಪ್ರತಿರೋಧ ಒಡ್ಡಬಹುದು ಎಂದು ನಿರೀಕ್ಷಿಸಿದ್ದ ಆಮ್ ಆದ್ಮಿ ಪಕ್ಷವು ಮಧ್ಯಾಹ್ನದ ವೇಳೆ 2 ಸ್ಥಾನದಲ್ಲಿ ಗೆಲುವು ಕಂಡು, ೩ ರಲ್ಲಿ ಮುನ್ನಡೆ ಸಾಧಿಸಿದೆ.

  ಆಪ್ ಸೋಲಿನ ಬಗ್ಗೆ ವ್ಯಂಗ್ಯವಾಡಿರುವ ಬಿಜೆಪಿ ನಾಯಕ ಮತ್ತು ಕೇಂದ್ರ ಗೃಹ ಸಚಿವ ಅಮಿತ್ ಶಾ, 'ಪೊಳ್ಳು ಭರವಸೆ, ಬಿಟ್ಟಿ ಕೊಡುಗೆಗಳ ಆಮಿಷ ಒಡ್ಡಿದವರನ್ನು , ಓಲೈಕೆಯ ರಾಜಕಾರಣ ಮಾಡುವವರನ್ನು ಗುಜರಾತ್​ನ ಮತದಾರರು ತಿರಸ್ಕರಿಸಿದ್ದಾರೆ' ಎಂದು ಟ್ವೀಟ್ ಮಾಡಿದ್ದಾರೆ.

  ಮೋದಿ ಅವರ ನಾಯಕತ್ವದಲ್ಲಿ ಗುಜರಾತ್ ಬಿಜೆಪಿಗೆ ಅಭೂತಪೂರ್ವ ಜನಾದೇಶ ನೀಡಿದ್ದಾರೆ. ಹೀಗಾಗಿಯೇ ಮಹಿಳೆಯರೂ ಯುವಕರು ಅಥವಾ ರೈತರೇ ಆಗಿರಲಿ, ಸಮಾಜದ ಎಲ್ಲ ವರ್ಗಗಳ ಜನರು ಬಿಜೆಪಿಯನ್ನು ಅಶೀರ್ವದಿಸಿದ್ದಾರೆ ಎಂದು ಹೇಳಿದ್ದಾರೆ