ಧರ್ಮಸ್ಥಳ: ಸಹೋದರರಿಬ್ಬರ ಗಲಾಟೆ, ಕೊಲೆಯಲ್ಲಿ ಅಂತ್ಯ

•   Thu, Feb 28 2019 10:23:05 PM



• ಧರ್ಮಸ್ಥಳ, ಫೆ 28(SM):ಅಣ್ಣ-ತಮ್ಮಂದಿರ ಗಲಾಟೆ ಕೊಲೆಯಲ್ಲಿ ಅಂತ್ಯವಾಗಿರುವ ಘಟನೆಯೊಂದು ಧರ್ಮಸ್ಥಳ ಠಾಣಾ ವ್ಯಾಪ್ತಿಯ ಕಲೆಂಜದಲ್ಲಿ ನಡೆದಿದೆ. ಸಂಜೀವ(49) ಘಟನೆಯಲ್ಲಿ ಹತ್ಯೆಯಾದವರು.

  

  ಫೆಬ್ರವರಿ 26ರಂದು ಅಣ್ಣ-ತಮ್ಮಂದಿರ ನಡುವೆ ಗಲಾಟೆ ನಡೆದಿದ್ದು ಅಣ್ಣನ ಮೇಲೆ ತಮ್ಮ ಗಂಭೀರ ಹಲ್ಲೆ ನಡೆಸಿದ್ದ ಎನ್ನಲಾಗಿದೆ. ಅಣ್ಣ ಸಂಜೀವ ಎಂಬವರ ಮೇಲೆ‌‌ ತಮ್ಮ ಜಾರಪ್ಪ ಮಾರಣಾಂತಿಕ ಹಲ್ಲೆ‌ ನಡೆಸಿದ್ದ. ಘಟನೆಯ ಬಳಿಕ ಮನೆಮಂದಿ ಸಂಜೀವರನ್ನು ಮಂಗಳೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಆದರೆ ಗುರುವಾರದಂದು ಸಂಜೀವ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾರೆ.

  ಘಟನೆಯ ಬಳಿಕ ಧರ್ಮಸ್ಥಳ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದರು. ಘಟನೆಗೆ ಸಂಬಂಧಿಸಿದಂತೆ ಇದೀಗ ಪೊಲೀಸರು ಕೃತ್ಯ ನಡೆಸಿದ ಜಾರಪ್ಪನನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ. ಹಾಗೂ ಆತನನ್ನು ವಿಚಾರಣೆ ನಡೆಸುತ್ತಿದ್ದಾರೆ. ಇನ್ನು ಸಂಜೀವರ ಕೊಲೆಗೆ ಕಾರಣ ಇನ್ನೂ ಎಂಬುವುದು ತಿಳಿದು ಬಂದಿಲ್ಲ. ಪೊಲೀಸರ ತನಿಖೆಯ ಬಳಿಕವಷ್ಟೇ ಘಟನೆಗೆ ನಿಖರ ಕಾರಣ ಏನೆಂಬುವುದು ತಿಳಿಯಲಿದೆ. 

  ಘಟನೆಯ ಕುರಿತಂತೆ ಧರ್ಮಸ್ಥಳ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.