ಕಾಸರಗೋಡು: ಉಪನೋಂದಣಾಧಿಕಾರಿ ಕಚೇರಿಗೆ ವಿಜಿಲೆನ್ಸ್ ಅಧಿಕಾರಿಗಳ ದಾಳಿ-ಲಂಚದ ಹಣ ವಶಕ್ಕೆ

•   Wed, Nov 16 2022 06:55:43 PM



• ಕಾಸರಗೋಡು, ನ 16 (DaijiworldNews/DB): ಜಿಲ್ಲೆಯ ಉಪನೋಂದಣಾಧಿಕಾರಿ ಕಚೇರಿಗೆ ವಿಜಿಲೆನ್ಸ್ ಅಧಿಕಾರಿಗಳು ಮಿಂಚಿನ ದಾಳಿ ನಡೆಸಿದ್ದು,, ಲಂಚ ಪಡೆದ ಹಣವನ್ನು ವಶಪಡಿಸಿಕೊಂಡಿದ್ದಾರೆ.

  ಕಾಸರಗೋಡು ಮತ್ತು ರಾಜಪುರ ಉಪ ನೋಂದಣಾಧಿಕಾರಿ ಕಚೇರಿಗೆ ದಾಳಿ ನಡೆಸಲಾಗಿದೆ. ಡಿವೈಎಸ್ಪಿ ಕೆ. ವಿ. ವೇಣುಗೋಪಾಲ್ ನೇತೃತ್ವದಲ್ಲಿ ದಾಳಿ ನಡೆಸಲಾಗಿದೆ. ತಪಾಸಣೆ ನಡೆಸಿದಾಗ ದಾಖಲೆ ಗಳಿಲ್ಲದ 11,300 ರೂ.ಗಳನ್ನು ವಶಪಡಿಸಿಕೊಳ್ಳಲಾಗಿದೆ.
  ಕಚೇರಿ ಸಮಯದ ಬಳಿಕ ಅಕ್ರಮವಾಗಿ ಲಂಚ ಪಡೆದು ನೋಂದಣಿ ಕೆಲಸ ಮಾಡುತ್ತಿರುವುದು ದಾಳಿ ವೇಳೆ ಸ್ಪಷ್ಟಗೊಂಡಿದೆ. ಕಚೇರಿಗಳಲ್ಲಿ ಹಲವು ಅವ್ಯವಹಾರ ಪತ್ತೆಯಾಗಿದೆ ಎಂದು ವಿಜಿಲೆನ್ಸ್ ಅಧಿಕಾರಿಗಳು ತಿಳಿಸಿದ್ದಾರೆ.