ಸೈರನ್ ಮೊಳಗಿಸಿ ರೈಲು ನಿಲ್ಲಿಸಿದ ಇಲಿ.!

•   Wed, Nov 16 2022 09:10:34 AM



• ಹಾಸನ, ನ 16 (DaijiworldNews/MS): ರೈಲಿನಲ್ಲಿ ನಡುರಾತ್ರಿಯಲ್ಲಿ ಸೈರನ್ ಮೊಳಗಿದ ಕಾರಣ ನಿದ್ದೆಯಲ್ಲಿದ್ದ ಪ್ರಯಾಣಿಕರು ಆತಂಕದಿಂದ ಎದ್ದು ಭಯಭೀತಿಗೊಳಗಾಗದ ಘಟನೆ ಹಾಸನ ಜಂಕ್ಷನ್ ಬಳಿ ಸಂಭವಿಸಿದೆ. ಕಾರವಾರದಿಂದ ಬೆಂಗಳೂರಿಗೆ ತೆರಳುತ್ತಿದ್ದ ಈ ಘಟನೆ ನಡೆದಿದೆ.

  ಬೆಂಗಳೂರಿಗೆ ತೆರಳುವ ರೈಲು ರಾತ್ರಿ ಒಂದು ಗಂಟೆಗೆ ಹಾಸನದ ಬಳಿ ಸಾಗುತ್ತಿದ್ದಾಗ ಬಿ1 ಬೋಗಿಯಲ್ಲಿ ಬೆಂಕಿ ಎಚ್ಚರಿಕೆಯ ಸೈರನ್ ಮೊಳಗತೊಡಗಿತು. ಅಪಾಯದ ಸೂಚನೆ ಘೋಷಣೆ ಆದ ಕಾರಣ ನಿದ್ರೆಯಲ್ಲಿದ್ದ ಪ್ರಯಾಣಿಕರು ಒಮ್ಮೆಲೇ ಎದ್ದು ಆತಂಕದಿಂದ ಬಾಗಿಲ ಬಳಿ ಜಮಾಯಿಸಿದರು.

  ತಾಂತ್ರಿಕ ಸಿಬ್ಬಂದಿ ಪರಿಶೀಲಿಸಿದಾಗ ವಿದ್ಯುತ್ ಬೋರ್ಡ್ ಒಳಗಡೆ ಇಲ್ಲಿ ನುಸುಳಿ ಅವಾಂತರ ಸೃಷ್ಟಿಸಿರುವುದು ತಿಳಿದುಬಂತು. ಬಳಿಕ ಹಾಸನದಲ್ಲಿ ರೈಲನ್ನು ನಿಲ್ಲಿಸಿ ದುರಸ್ತಿ ಮಾಡಲಾಯಿತು. ತಾಂತ್ರಿಕ ಸಿಬ್ಬಂದಿ ಇಲಿಯನ್ನು ಹೊರ ತೆಗೆದ ಬಳಿಕ ಪ್ರಯಾಣಿಕರಿಗೆ ಹೋದ ಜೀವ ಬಂದಂತಾಯಿತು. ಒಟ್ಟಾರೆ ಇಲಿಯೊಂದರ ಅವಾಂತರ ಪ್ರಯಾಣಿಕರಲ್ಲಿ ಜೀವ ಭಯ ಮೂಡಿಸಿ ಗೊಂದಲ ಸೃಷ್ಟಿಗೆ ಕಾರಣವಾಯಿತು.