ವಿಂಡೀಸ್ ವಿರುದ್ಧ ದಾಖಲೆಯ ರನ್ ಚೇಸ್ ಮಾಡಿ ಗೆಲುವಿನ ನಗೆ ಚೆಲ್ಲಿದ ಇಂಗ್ಲೆಂಡ್

•   Thu, Feb 21 2019 11:54:35 AM



• ಬಾರ್ಬಡೊಸ್​​, ಫೆ 21(SM): ಏಕದಿನ ಕ್ರಿಕೆಟ್ ಪಂದ್ಯದಲ್ಲಿ ಇಂಗ್ಲೆಂಡ್ ಹೊಸತೊಂದು ದಾಖಲೆ ಬರೆದಿದೆ. ವೆಸ್ಟ್​ ಇಂಡೀಸ್​ ತಂಡದ ವಿರುದ್ಧ ನಡೆದ ಮೊದಲ ಏಕದಿನ ಪಂದ್ಯದಲ್ಲಿ ಇಂಗ್ಲೆಂಡ್ ತಂಡ ಬ್ಯಾಟಿಂಗ್ ನಲ್ಲಿ ಅಬ್ಬರಿಸಿದ್ದು, ದಾಖಲೆಯೊಂದನ್ನು ಸೃಷ್ಟಿಸಿದೆ.

  

  ಕೆರಿಬಿಯನ್​ ತಂಡ ನೀಡಿದ್ದ 361ರನ್​ಗಳ ಬೃಹತ್​ ಟಾರ್ಗೆಟನ್ನು ಇಂಗ್ಲೆಂಡ್ ಗುರಿ ಮುಟ್ಟುವಲ್ಲಿ ಯಶಸ್ವಿಯಾಗಿದ್ದು, ಗೆಲುವಿನ ನಗೆ ಚೆಲ್ಲಿದೆ. ಇಂಗ್ಲೆಂಡ್​ ತಂಡ ಇದೇ ಮೊದಲ ಬಾರಿಗೆ ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್​​ನಲ್ಲಿ ಅತ್ಯಧಿಕ ರನ್ ಚೇಸ್ ಮಾಡಿ ಗೆಲುವು ದಾಖಲಿಸಿರುವುದು.

  361ರನ್​ಗಳ ಗುರಿ ಪಡೆದ ಇಂಗ್ಲೆಂಡ್​ ತಂಡದ ಆರಂಭ ಉತ್ತಮವಾಗಿತ್ತು. ಆರಂಭಿಕರಾದ ಜಾಸನ್​ ರಾಯ್​(123) ಹಾಗೂ ಜಾನಿ ಬೈರ್ಸ್ಟೋವ್(34) ತಂಡಕ್ಕೆ ಉತ್ತಮ ಬುನಾದಿ ಹಾಕಿದರು. ಜಾನಿ ವಿಕೆಟ್​ ಉರುಳುತ್ತಿದ್ದಂತೆ ಮೈದಾನಕ್ಕಿಳಿದ ರೂಟ್​ (102) ರಾಯ್​ ಜತೆ ಸೇರಿ ಎದುರಾಳಿ ತಂಡದ ಬೌಲರ್ಸ್​ಗಳ ಬೆವರಿಳಿಸಿದರು.

  ಇದಾದ ಬಳಿಕ ಕಣಕ್ಕಿಳಿದ ಮಾರ್ಗನ್​ ಕೂಡ 65ರನ್​ಗಳಿಸಿ ತಂಡಕ್ಕೆ ಆಸರೆಯಾದರು. ಕೊನೆಯದಾಗಿ ಸ್ಟೋಕ್ಸ್​​(20), ಬಟ್ಲರ್​(4)ರನ್​ಗಳಿಸಿ ತಂಡವನ್ನ ಗೆಲುವಿನ ದಡ ಸೇರಿಸಿದರು. ತಂಡ 48.4 ಓವರ್​ಗಳಲ್ಲಿ 4ವಿಕೆಟ್​ ಕಳೆದುಕೊಂಡು 364ರನ್​ಗಳಿಕೆ ಮಾಡಿ ಗೆಲುವಿನ ನಗೆ ಬೀರಿತು.

  ಇದಕ್ಕೂ ಮುನ್ನ ಬ್ಯಾಟ್​ ಮಾಡಿದ ವೆಸ್ಟ್​ ಇಂಡೀಸ್​ ತಂಡ ಕ್ರಿಸ್​ ಗೇಲ್​​(135), ಹೊಪ್ಸ್​​(64) ನುರ್ಸೆ(25)ರನ್​ಗಳ ನೇರವಿನಿಂದ 50 ಓವರ್​ಗಳಲ್ಲಿ 8ವಿಕೆಟ್​ ಕಳೆದುಕೊಂಡು 360ರನ್ ಗಳನ್ನು ಪೇರಿಸಿತು.