ಧೋನಿ ಫಾರ್ಮುಲಾ ಫಾಲೋ... ವಿಕೆಟ್ ಕೀಪಿಂಗ್ ನಲ್ಲಿ ಸೈ ಎನ್ನುತ್ತಿದ್ದಾರೆ ಪಂತ್

•   Sun, Feb 17 2019 11:55:59 PM



• ಹೈದರಾಬಾದ್, ಫೆ 17(SM): ಟೀಂ ಇಂಡಿಯಾದ ಚಾಣಾಕ್ಷ ವಿಕೆಟ್ ಕೀಪರ್​ ಎಂ.ಎಸ್​.ಧೋನಿ ಎನ್ನುವುದರಲ್ಲಿ ಎರಡು ಮಾತಿಲ್ಲ. ಇದು ಮತ್ತೊಮ್ಮೆ ಸಾಬೀತಾಗಿದೆ. ಇತ್ತೀಚೆಗೆ ನಡೆದ ಆಸಿಸ್ ಹಾಗೂ ಕಿವೀಸ್​ ಸರಣಿಗಳೇ ಬೆಸ್ಟ್ ಎಕ್ಸಾಂಪಲ್. ಮುಂದಿನ ದಿನಗಳಲ್ಲಿ ಧೋನಿಯ ನಂತರದಲ್ಲಿ ಚತುರ ವಿಕೆಟ್ ಕೀಪರ್​ ಯಾರು ಎನ್ನುವ ಪ್ರಶ್ನೆಗೆ ರಿಷಭ್​​ ಪಂತ್ ಉತ್ತರವಾಗಿದ್ದಾರೆ.

  

  ಯುವ ಆಟಗಾರ ರಿಷಭ್ ಪಂತ್​ ಸದ್ಯ ಟೀಮ್ ಇಂಡಿಯಾ ನಿರೀಕ್ಷಿತ ಆಟಗಾರ. ಆಸಿಸ್​ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಸ್ಲೆಡ್ಜಿಂಗ್ ಮೂಲಕ ಎಲ್ಲರ ಗಮನ ಸೆಳೆದಿದ್ದರು. ಜೊತೆಗೆ ವಿಕೆಟ್ ಹಿಂದೆ ಹಲವಾರು ದಾಖಲೆ ಬರೆದಿದ್ದರು. ಪಂತ್ ಅವರ​ ಕೀಪಿಂಗ್​ನಲ್ಲಿ ಗಮನಾರ್ಹ ಪ್ರದರ್ಶನಕ್ಕೆ ಕಾರಣ ಧೋನಿಯವರ ಸಕ್ಸಸ್​ ಫಾರ್ಮುಲಾ ಎಂಬುದು ಬಹಿರಂಗವಾಗಿದೆ.

  ಇತ್ತೀಚೆಗೆ ನೀಡಿದ ಒಂದು ಸಂದರ್ಶನದಲ್ಲಿ ಪಂತ್​ ತಮ್ಮ ಕೀಪಿಂಗ್​ ಸಾಮರ್ಥ್ಯ ಮತ್ತಷ್ಟು ಹೆಚ್ಚಾಗಲು ಕಾರಣ ಧೋನಿ ಎಂದು ಹೇಳಿಕೊಂಡಿದ್ದಾರೆ. ಭಾರತದ ಮಾಜಿ ವಿಕೆಟ್ ಕೀಪರ್​ ಕಿರಣ್ ಮೋರೆ ಪಂತ್​ಗೆ ಧೋನಿಯ ಫಾರ್ಮುಲಾವನ್ನು ಹೇಳಿದ್ದರಂತೆ.

  ಧೋನಿ ಎರಡೂ ಬದಿಯನ್ನೂ ಚೆನ್ನಾಗಿ ಬ್ಯಾಲೆನ್ಸ್ ಮಾಡುತ್ತಾರೆ, ನೀನು ಸಹ ಅದನ್ನೇ ಟ್ರೈ ಮಾಡು ಎಂದು ಮೋರೆ ಪಂತ್​ಗೆ ಸಲಹೆ ನೀಡಿದ್ದರಂತೆ. ಪಂತ್​ ಇದನ್ನೇ ಫಾಲೋ ಮಾಡುತ್ತಿದ್ದು, ಅದರಿಂದಾಗಿಯೇ ಪಂತ್ ಸದ್ಯ ಕೀಪಿಂಗ್ ನಲ್ಲಿ ಸಕ್ಸಸ್ ಆಗುತ್ತಿದ್ದಾರೆ.