ಮೆಕ್ಸಿಕೊ: ಬಾರ್‌ನಲ್ಲಿ ಅಪರಿಚಿತರಿಂದ ಗುಂಡಿನ ದಾಳಿ-12 ಬಲಿ

•   Sun, Oct 16 2022 04:24:41 PM



• ಮೆಕ್ಸಿಕೊ, ಅ 16 (DaijiworldNews/DB): ಬಾರ್‌ವೊಂದರಲ್ಲಿ ಬಂದೂಕುಧಾರಿಗಳು ನಡೆಸಿದ ಗುಂಡಿನ ದಾಳಿಗೆ ಕನಿಷ್ಠ 12 ಮಂದಿ ಬಲಿಯಾದ ಘಟನೆ ಮಧ್ಯ ಮೆಕ್ಸಿಕೊದ ಇರಾಪುವಾಟೊದಲ್ಲಿ ನಡೆದಿದೆ.

  ಅಪರಿಚಿತ ಬಂದೂಕುಧಾರಿಗಳು ಶನಿವಾರ ಸಂಜೆ ಈ ಕೃತ್ಯ ಎಸಗಿದ್ದಾರೆ. ಘಟನೆಯಲ್ಲಿ ಆರು ಮಂದಿ ಮಹಿಳೆಯರು ಹಾಗೂ ಆರು ಮಂದಿ ಪುರುಷರು ಸಾವನ್ನಪ್ಪಿದ್ದಾರೆ. ಮೂವರು ಗಾಯಗೊಂಡಿದ್ದಾರೆ ಎಂದು ಸ್ಥಳೀಯ ಅಧಿಕಾರಿಗಳು ಭಾನುವಾರ ತಿಳಿಸಿರುವುದಾಗಿ ವರದಿಯಾಗಿದೆ.

  ಓರ್ವನ ಮೃತದೇಹ ಮೋಟಾರ್‌ಸೈಕಲ್ ಬಳಿ ಸಿಕ್ಕಿದರೆ, ಉಳಿದ ಹನ್ನೊಂದು ಮಂದಿಯ ಶವ ಬಾರ್‌ನೊಳಗೆ ಬಿದ್ದಿತ್ತು. ಕೃತ್ಯ ಎಸಗಿದ ಬಂದೂಕುಧಾರಿಗಳ ಪತ್ತೆಗೆ ಪೊಲೀಸರು ಬಲೆ ಬೀಸಿದ್ದಾರೆ ಎಂದು ತಿಳಿದು ಬಂದಿದೆ.