ವೆಸ್ಟ್ ಇಂಡೀಸ್ ಆಟಗಾರ ಜಾನ್​ ಕ್ಯಾಂಪ್​ಬೆಲ್​ಗೆ ಕ್ರಿಕೆಟ್​ನಿಂದ ನಾಲ್ಕು ವರ್ಷ ನಿಷೇಧ

•   Sat, Oct 08 2022 02:53:13 PM



• ವೆಸ್ಟ್ ಇಂಡೀಸ್, ಅ 08 (DaijiworldNews/DB): ವೆಸ್ಟ್ ಇಂಡೀಸ್ ಕ್ರಿಕೆಟ್ ತಂಡದ ಪ್ರಮುಖ ಆಟಗಾರ ಜಾನ್​ ಕ್ಯಾಂಪ್​ಬೆಲ್​ಗೆ ಕ್ರಿಕೆಟ್ನಿಂದ ನಾಲ್ಕು ವರ್ಷ ನಿಷೇಧ ಹೇರಲಾಗಿದೆ. ಡೋಪಿಂಗ್ ವಿರೋಧಿ ನಿಯಮ ಉಲ್ಲಂಘನೆ ಆರೋಪದಡಿ ಈ ಶಿಕ್ಷೆ ವಿಧಿಸಲಾಗಿದೆ.

  ಸದ್ಯ ಆಸ್ಟ್ರೇಲಿಯಾ ವಿರುದ್ಧ ಟಿ20 ಸರಣಿಯಲ್ಲಿ ಆಡುತ್ತಿರುವ ವೆಸ್ಟ್ ಇಂಡೀಸ್ ತಂಡವು ಟಿ20 ವಿಶ್ವಕಪ್​ಗಾಗಿ ತಯಾರಿ ನಡೆಸುತ್ತಿದೆ. ಕ್ರೀಡಾಳುಗಳು ಮಾದಕ ವಸ್ತು ಸೇವನೆ ಮಾಡಿಲ್ಲವೆಂಬುದನ್ನು ಖಚಿತಪಡಿಸಿಕೊಳ್ಳುವುದಕ್ಕಾಗಿ ಮಾಡುವ ಡೋಪಿಂಗ್ ಟೆಸ್ಟ್‌ಗೆ ರಕ್ತದ ಮಾದರಿ ನೀಡಲು ನಿರಾಕರಿಸಿದ ಕಾರಣಕ್ಕಾಗಿ ಇದನ್ನು ಡೋಪಿಂಗ್ ವಿರೋಧಿ ನಿಯಮ ಉಲ್ಲಂಘನೆಯೆಂದು ಪರಿಗಣಿಸಿ ಕ್ಯಾಂಪ್​ಬೆಲ್‌ ವಿರುದ್ದ ಕ್ರಮ ಕೈಗೊಳ್ಳುವಂತೆ ಜುಮೈಕಾ ಡೋಪಿಂಗ್ ಆಯೋಗ ಸೂಚಿಸಿತ್ತು. ಅದರಂತೆ ಅವರ ಮೇಲೆ ನಿಷೇಧ ಹೇರಲಾಗಿದೆ.

  29ರ ಹರೆಯದ ಕ್ಯಾಂಪ್​ಬೆಲ್ 2019 ಜನವರಿಯಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಪಾದಾರ್ಪಣೆ ಮಾಡಿದ್ದರು. ಬಾಂಗ್ಲಾದೇಶ ವಿರುದ್ಧ ಈ ವಷಾರಂಭದಲ್ಲಿ ವೆಸ್ಟ್ ಇಂಡೀಸ್‌ನ್ನು ಪ್ರತಿನಿಧಿಸಿದ್ದು ಅವರ ಕೊನೆಯ ಪಂದ್ಯವಾಗಿತ್ತು. ಎಡಗೈ ಬ್ಯಾಟರ್‍ ಕ್ಯಾಂಪ್​ಬೆಲ್ 20 ಟೆಸ್ಟ್‌ಗಳು, ಆರು ಏಕದಿನ ಮತ್ತು ಎರಡು ಟಿ20 ಪಂದ್ಯಗಳಲ್ಲಿ ಆಡಿದ್ದಾರೆ.

  ನಾಲ್ಕು ವರ್ಷಗಳ ನಿಷೇಧ ಅವಧಿ ಕಳೆದು ಮತ್ತೆ ಮೈದಾನಕ್ಕೆ ಮರಳಲು 2026ರವರೆಗೆ ಅವರು ಕಾಯಬೇಕು.