ಡೈಮಂಡ್ ಲೀಗ್ ಗೆದ್ದು ಇತಿಹಾಸ ನಿರ್ಮಿಸಿದ ನೀರಜ್ ಚೋಪ್ರಾ

•   Sat, Aug 27 2022 09:27:44 AM



• ಲಾಸೆನ್, ಆ 27(DaijiworldNews/MS): ಭಾರತದ ಜಾವೆಲಿನ್ ಥ್ರೋ ಸ್ಪರ್ಧಿ ನೀರಜ್ ಚೋಪ್ರಾ ಅವರು ಸ್ವಿಟ್ಜರ್​ಲ್ಯಾಂಡ್​ನಲ್ಲಿ ಲಾಸನ್ ನಲ್ಲಿ ನಡೆದ ಡೈಮಂಡ್​ ಲೀಗ್​ನಲ್ಲಿ ಅಗ್ರ ಸ್ಥಾನ ಪಡೆದು ಹೊಸ ಇತಿಹಾಸ ನಿರ್ಮಿಸಿದ್ದಾರೆ. ಅಲ್ಲದೆ ಈ ಸಾಧನೆ ಮಾಡಿದ ಮೊದಲ ಭಾರತೀಯ ಎಂಬ ದಾಖಲೆಗೆ ಪಾತ್ರರಾದರು.

  ವಿಶ್ವ ಚಾಂಪಿಯನ್​ಶಿಪ್​ನಲ್ಲಿ ಬೆಳ್ಳಿ ಗೆದ್ದ ಬಳಿಕ ನೀರಜ್ ಚೋಪ್ರಾ ಗಾಯಕ್ಕೆ ತುತ್ತಾಗಿದ್ದರು. ಇದರಿಂದ ಕಾಮನ್​ವೆಲ್ತ್​ ಗೇಮ್ಸ್​ನಿಂದ ಹೊರಗುಳಿದಿದ್ದ ನೀರಜ್​ ಸ್ವಿಸ್​​ನ ಡೈಮಂಡ್​ ಲೀಗ್​ನಲ್ಲಿ 89.08 ಮೀಟರ್​ ದೂರ ಜಾವೆಲಿನ್​ ಎಸೆಯುವ ಮೂಲಕ ಪ್ರಶಸ್ತಿ ಜಯಿಸಿದರು.

  ಮೊದಲ ಎಸೆತದಲ್ಲಿಯೇ 89.08 ಮೀ ಎಸೆದ ನೀರಜ್​, ಬಳಿಕ ಎರಡನೇ ಥ್ರೋ 85.18 ಮೀ ಆಗಿತ್ತು. 6 ನೇ ಎಸೆತದಲ್ಲಿ 80.4 ಮೀಟರ್​ ಎಸೆದರು. ಲೀಗ್​ನಲ್ಲಿ ಅತಿಹೆಚ್ಚು ದೂರ ಎಸೆದ ನೀರಜ್​ ಚಾಂಪಿಯನ್​ ಆದರು.

  ಇದಕ್ಕೂ ಮೊದಲು ಡೈಮಂಡ್​ ಲೀಗ್​ನಲ್ಲಿ ಡಿಸ್ಕಸ್ ಎಸೆತಗಾರ ವಿಕಾಸ್ ಗೌಡ ಅಗ್ರ ಮೂರರಲ್ಲಿ ಸ್ಥಾನ ಪಡೆದ ಏಕೈಕ ಭಾರತೀಯರಾಗಿದ್ದರು.

  GOLDEN THROW of 8⃣9⃣.0⃣8⃣ mts by #NeerajChopra !
  
  Kudos to India's Golden Boy @Neeraj_chopra1 on winning #Gold 🥇 in Men's #javelinthrow at the #DiamondLeague event in #Lausanne.
  
  You have made 🇮🇳 Proud again with this #Historic feat!#LausanneDL #IndianSports@PBNS_India pic.twitter.com/nUiLqfO9Y7

  — Prakash Javadekar (@PrakashJavdekar) August 27, 2022