ಪತ್ನಿ ಅಲಿಯಾಗೆ ಕಿಚಾಯಿಸಿ ಬಳಿಕ ಕ್ಷಮೆಯಾಚಿಸಿದ ರಣಬೀರ್ ಕಪೂರ್

•   Thu, Aug 25 2022 05:07:18 PM



• ಮುಂಬೈ, ಅ 25 (DaijiworldNews/MS): ಗರ್ಭಿಣಿಯಾದ ತಮ್ಮ ಪತ್ನಿ ಮತ್ತು ನಟಿ ಅಲಿಯಾ ಭಟ್‌ ಅವರ ದೇಹ ತೂಕ ಹೆಚ್ಚಳದ ಬಗ್ಗೆ ಕಿಚಾಯಿಸಿದ್ದ ಬಾಲಿವುಡ್‌ ನಟ ರಣಬೀರ್‌ ತಮ್ಮ ತಪ್ಪಿನ ಅರಿವಾಗಿ ಕ್ಷಮೆಯಾಚಿಸಿದ್ದಾರೆ.

  ಬಾಲಿವುಡ್​ ನಟಿ ಆಲಿಯಾ ಭಟ್ ಮತ್ತು ನಟ ರಣಬೀರ್ ಕಪೂರ್ ಜೋಡಿಯಾಗಿ ನಟಿಸಿರುವ ಬಹು ನಿರೀಕ್ಷಿತ ಬ್ರಹ್ಮಾಸ್ತ್ರ ​ಸಿನಿಮಾ ಸೆಪ್ಟೆಂಬರ್​ 9ರಂದು ಬಿಡುಗಡೆ ಆಗಲಿದೆ. ಈ ನಿಟ್ಟಿನಲ್ಲಿ ಚೆನ್ನೈನಲ್ಲಿ ಬ್ರಹ್ಮಾಸ್ತ್ರ ​ಸಿನಿಮಾ ಪ್ರಚಾರ ಕಾರ್ಯಕ್ರಮ ನಡೆಯಿತು. ಈ ವೇಳೆ ತಾವು ಮಾಡಿದ ಕಮೆಂಟ್ ಒಂದರ ಬಗ್ಗೆ ರಣಬೀರ್ ಕಪೂರ್ ಅಭಿಮಾನಿಗಳಲ್ಲಿ ಕ್ಷಮೆ ಯಾಚಿಸಿದ್ದಾರೆ

  ಆದರೆ ಇತ್ತೀಚೆಗೆ ಗರ್ಭಾವಸ್ಥೆಯಲ್ಲಿರುವ ಆಲಿಯಾ ಭಟ್ ತೂಕ ಹೆಚ್ಚಿಕೊಳ್ಳುತ್ತಿರುವ ಬಗ್ಗೆ ರಣ್​​​ಬೀರ್ ಕಪೂರ್ ಹೇಳಿಕೆ ನೀಡಿದ್ದರು. ಈ ಹೇಳಿಕೆಯನ್ನು ಕೆಲವರು ಜೋಕ್ ಆಗಿ ಸ್ವೀಕರಿಸಿದ್ದರೆ ಮತ್ತೆ ಹಲವರಿಗೆ ಹಿಡಿಸಿಲ್ಲ." ಆ ಕಮೆಂಟ್‌ ಜೋಕ್‌ ಅಷ್ಟೇ ಆಗಿತ್ತು.ಆ ಕಮೆಂಟ್‌ ಜೋಕ್‌ ಅಷ್ಟೇ ಆಗಿತ್ತು. ಆದರೆ, ಅದು ತಮಾಷೆಯಾಗಲಿಲ್ಲ. ನನ್ನ ಜೋಕ್‌ ಯಾರನ್ನೂ ನೋಯಿಸುವ ಉದ್ದೇಶದ್ದಾಗಿರಲಿಲ್ಲ. ಇದು ನನ್ನ ಕೆಟ್ಟ ಹಾಸ್ಯಪ್ರಜ್ಞೆಯಾಗಿದೆ " ಎಂದು ಕ್ಷಮೆಯಾಚಿಸಿದ್ದಾರೆ.