ಬ್ರಿಟನ್ ಪ್ರಧಾನಿ ರೇಸ್ ನಲ್ಲಿ ರಿಷಿ ಸುನಕ್ - ಎರಡನೇ ಸುತ್ತಿನಲ್ಲೂ ಗೆಲುವು

•   Fri, Jul 15 2022 12:42:03 PM



• ಬ್ರಿಟನ್, ಜು 15 (DaijiworldNews/MS): ಇಂಗ್ಲೆಂಡಿನ ಮಾಜಿ ಚಾನ್ಸೆಲರ್ , ಇನ್ಪೋಸಿಸ್ ಸ್ಥಾಪಕ ನಾರಾಯಣ ಮೂರ್ತಿ ಅಳಿಯ, ಭಾರತೀಯ ಮೂಲದ ರಿಷಿ ಸುನಕ್ ಮತದಾನದಲ್ಲಿ ಮುನ್ನಡೆ ಗಳಿಸಿ ಬ್ರಿಟನ್ ಪ್ರಧಾನಿಯಾಗುವ ಆಕಾಂಕ್ಷೆಯನ್ನು ಮತ್ತಷ್ಟು ಭದ್ರಪಡಿಸಿಕೊಂಡಿದ್ದಾರೆ. ಎರಡನೇ ಸುತ್ತಿನ ಮತದಾನದಲ್ಲೂ ಅವರು ಅತಿ ಹೆಚ್ಚು ಮತಗಳನ್ನು ಗಳಿಸಿದ್ದಾರೆ. ಮೂಲಕ ಕನ್ಸರ್ವೇಟಿವ್ ಪಕ್ಷದ ನಾಯಕರಾಗಿ ಬೋರಿಸ್ ಜಾನ್ಸನ್ ಅವರ ಉತ್ತರಾಧಿಕಾರಿಯಾಗಲು ಮುಂಚೂಣಿಯಲ್ಲಿದ್ದಾರೆ.

  ಗುರುವಾರ, 14 ಜುಲೈ 2022 ರಂದು ನಡೆದ ಎರಡನೇ ಸುತ್ತಿನಲ್ಲಿ, ಮಾಜಿ ಬ್ರಿಟಿಷ್ ಹಣಕಾಸು ಸಚಿವ ರಿಷಿ ಸುನಕ್ 101 ಮತಗಳೊಂದಿಗೆ ಓಟವನ್ನು (ಮತ್ತೆ) ಮುನ್ನಡೆಸಿದರು, ನಂತರ ಜೂನಿಯರ್ ಟ್ರೇಡ್ ಮಿನಿಸ್ಟರ್ ಪೆನ್ನಿ ಮೊರ್ಡಾಂಟ್ 83 ಮತಗಳನ್ನು ಮತ್ತು ವಿದೇಶಾಂಗ ಕಾರ್ಯದರ್ಶಿ ಲಿಜ್ ಟ್ರಸ್ 64 ಮತಗಳನ್ನು ಪಡೆದಿದ್ದಾರೆ.

  ಭಾರತೀಯ ಮೂಲದ ಅಟಾರ್ನಿ ಜನರಲ್ ಯುಯೆಲಾ ಬ್ರಾವರ್‌ಮನ್ ಸ್ಪರ್ಧೆಯಿಂದ ಹೊರಬಿದ್ದಿದ್ದಾರೆ. ಮುಂದಿನ ಕೆಲವು ಸುತ್ತಿನ ಮತದಾನವನ್ನು ಮುಂದಿನ ವಾರದ ಆರಂಭದಲ್ಲಿ ನಿಗದಿಪಡಿಸಲಾಗಿದೆ.