ಬೆಂಗಳೂರು: ಕೈ ಶಾಸಕರ ಹೊಡೆದಾಟ- ವರದಿ ಕೇಳಿದ ಕೆ.ಸಿ ವೇಣುಗೋಪಲ್

•   Sun, Jan 20 2019 03:21:29 PM



• ಬೆಂಗಳೂರು,ಜ 20(MSP):ಈಗಲ್​​ಟನ್​​​ ರೆಸಾರ್ಟ್​​ನಲ್ಲಿ ಶಾಸಕರಾದ ಆನಂದ್​ ಸಿಂಗ್​ ಮತ್ತು ಕಂಪ್ಲಿ ಗಣೇಶ್​ ಈಗಲ್​​​ಟನ್​ ರೆಸಾರ್ಟ್​ನಲ್ಲಿ ಕೈ ಕೈ ಮಿಲಾಯಿಸಿಕೊಂಡಿದ್ದಾರೆ ಎಂದು ವರದಿಯಾಗಿದ್ದೂ ಇದೇ ಹಿನ್ನಲೆಯಲ್ಲಿ ಹಲ್ಲೆಗೊಳಗಾಗಿರುವ ಶಾಸಕ ಆನಂದ್ ಸಿಂಗ್ ಅಪೋಲೋ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಹೇಳಲಾಗುತ್ತಿದ್ದು ಆದರೆ ಇದನ್ನು ಸಂಸದ ಕೆ ಸುರೇಶ್ ತಳ್ಳಿಹಾಕಿದ್ದಾರೆ. ಶಾಸಕ ಆನಂದ್ ಸಿಂಗ್ ಆಸ್ಪತ್ರೆಗೆ ದಾಖಲಾಗಿದ್ದು ನಿಜ. ನಾನು ಆಸ್ಪತ್ರೆಗೆ ಭೇಟಿ ನೀಡಿ ಅವರ ಆರೋಗ್ಯ ವಿಚಾರಿಸಿದ್ದೇನೆ ಮಾಧ್ಯಮದಲ್ಲಿ ವರದಿ ಆದಂತೆ ಅವರ ತಲೆಗೆ ಗಾಯಗಳಾಗಿಲ್ಲ. ಎದೆ ನೋವು ಕಾಣಿಸಿಕೊಂಡ ಹಿನ್ನಲೆಯಲ್ಲಿ ಅವರು ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಇದೀಗ ಅವರಆರೋಗ್ಯ ಸ್ಥಿತಿ ಸದ್ಯ ಸುಧಾರಣೆ ಆಗಿದ್ದು, ವಿಶ್ರಾಂತಿ ಪಡೆಯುತ್ತಿದ್ದಾರೆ ಎಂದು ಅವರು ಪ್ರತಿಕ್ರಿಯಿಸಿದ್ದಾರೆ.

  

  ಇನ್ನು ಕೈ ಶಾಸಕರ ಮಾರಾಮಾರಿ ಹಿನ್ನೆಲೆಯಲ್ಲಿ ರಾಜ್ಯ ಕಾಂಗ್ರೆಸ್ ಉಸ್ತುವಾರಿ ಕೆ.ಸಿ ವೇಣುಗೋಪಾಲ್ ಘಟನೆ ಬಗ್ಗೆ ಮಾಹಿತಿ ಪಡೆದಿದ್ದಾರೆ. ಸಂಸದ ಡಿ.ಕೆ ಸುರೇಶ್​​ಗೆ ದೂರವಾಣಿ ಕರೆ ಮಾಡಿ ವೇಣುಗೋಪಾಲ್ ಮಾಹಿತಿ ಕೇಳಿದ್ದಾರೆ. ಡಿ.ಕೆ ಸುರೇಶ್ ಘಟನೆ ಬಗ್ಗೆ ಸಂಪೂರ್ಣ ಮಾಹಿತಿ ನೀಡಿದ್ದಾರೆ. ಇದಲ್ಲದೇ ಸಂಜೆ ಈಗಲ್ ಟನ್ ರೆಸಾರ್ಟ್​​ಗೆ ರಾಜ್ಯ ಕಾಂಗ್ರೆಸ್ ಉಸ್ತುವಾರಿ ಕೆ.ಸಿ ವೇಣುಗೋಪಾಲ್ ಬಂದು, ಪ್ರತ್ಯೇಕ ವಾಗಿ ಶಾಸಕರೊಂದಿಗೆ ಮಾತುಕತೆ ನಡೆಸಲಿದ್ದಾರೆಂದು ಎಂದು ತಿಳಿದುಬಂದಿದೆ ಹೇಳಲಾಗಿದೆ.