ಅರ್ಕುಳ: ದೋಣಿ ಮೇಲೆತ್ತುವಾಗ ದುರಂತ-ನೀರಿನಲ್ಲಿ ಕೊಚ್ಚಿ ಹೋಗಿ ಕಾರ್ಮಿಕ ನಾಪತ್ತೆ

•   Sun, Jul 03 2022 08:34:37 AM



• ಅರ್ಕುಳ, ಜು 03 (DaijiworldNews/DB): ಪ್ರವಾಹದ ಹಿನ್ನೆಲೆಯಲ್ಲಿ ಸಾಂಪ್ರದಾಯಿಕ ಮರಳುಗಾರಿಕೆ ನಡೆಸಲು ಉಪಯೋಗಿಸುತ್ತಿದ್ದ ದೋಣಿಯನ್ನು ದಡಕ್ಕೆ ತರುವ ವೇಳೆ ಉತ್ತರ ಪ್ರದೇಶ ಮೂಲದ ಕಾರ್ಮಿಕನೊಬ್ಬ ನೀರಿನಲ್ಲಿ ಕೊಚ್ಚಿ ಹೋಗಿ ನಾಪತ್ತೆಯಾಗಿರುವ ಘಟನೆ ಅರ್ಕುಳ ಗ್ರಾಮದ ಧಕ್ಕೆಯಲ್ಲಿ ನಡೆದಿದೆ.

  

  ನೇತ್ರಾವತಿ ನದಿಯಲ್ಲಿ ವಿಪರೀತ ನೀರು ಇದ್ದು ಪ್ರವಾಹದ ಕಾರಣಕ್ಕೆ ಉತ್ತರಪ್ರದೇಶ ಮೂಲದ ಕಾರ್ಮಿಕರಾದ ರಾಜು ಸಾಹ್, ಮೊಂತು ಸಾಹ್ ಮತ್ತು ನಾಗೇಂದ್ರ ಕುಮಾರ್ ಸಾಯತನಿ ಅವರು ದೋಣಿಯನ್ನು ದಡಕ್ಕೆ ತರಲೆಂದು ಮೇಲಕ್ಕೆತ್ತುತ್ತಿದ್ದರು. ಈ ವೇಳೆ ನೀರಿನ ರಭಸಕ್ಕೆ ಮೂವರೂ ಕಾರ್ಮಿಕರು ನೀರಿನಲ್ಲಿ ಕೊಚ್ಚಿ ಹೋಗಿದ್ದಾರೆ. ಈ ಪೈಕಿ ಮೊಂತು ಸಾಹ್ ಮತ್ತು ನಾಗೇಂದ್ರಕುಮಾರ್ ಅಡ್ಯಾರ್-ಪಾವೂರು ಬ್ರಿಡ್ಜಿನ ಅಡಿಯಲ್ಲಿ ಸಿಲುಕಿ ಈಜಿ ದಡ ಸೇರಿದ್ದಾರೆ. ಆದರೆ ರಾಜು ಸಾಹ್ ಎಂಬುವವರು ನಾಪತ್ತೆಯಾಗಿದ್ದು, ಇನ್ನೂ ಪತ್ತೆಯಾಗಿಲ್ಲ.

  ದೋಣಿಯು ಇಸಾಕ್ ಮತ್ತು ಆಸಿಫ್ ಎಂಬವರಿಗೆ ಸೇರಿದ್ದಾಗಿದೆ.