'ಡಬಲ್ ಇಂಜಿನ್ ಸರ್ಕಾರಗಳಿಂದ ವಿಕಾಸವಿರುವುದು 40% ಕಮಿಷನ್ ನಲ್ಲಿ ಮಾತ್ರ' - ಕಾಂಗ್ರೆಸ್

•   Tue, Jun 21 2022 01:22:53 PM



• ಬೆಂಗಳೂರು, ಜೂ 21 (DaijiworldNews/HR): ಕೇಂದ್ರ ಸರ್ಕಾರ ಇನ್ನೂ ನೆರೆ ಪರಿಹಾರ ನೀಡಿಲ್ಲ. ವಸತಿ ಯೋಜನೆಗಳು ಹಳ್ಳ ಹಿಡಿದಿವೆ ಆದರೂ ಡಬಲ್ ಇಂಜಿನ್ ಸರ್ಕಾರಗಳಿಂದ ವಿಕಾಸ್ ಪರ್ವ ಎಂದು ಬಿಜೆಪಿ ವಿರುದ್ದ ಕಾಂಗ್ರೆಸ್ ವಾಗ್ದಾಳಿ ನಡೆಸಿದೆ.

  ಈ ಕುರಿತು ಟ್ವೀಟ್ ಮಾಡಿರುವ ಕರ್ನಾಟಕ ಕಾಂಗ್ರೆಸ್, ಡಬಲ್ ಇಂಜಿನ್ ಸರ್ಕಾರಗಳಿಂದ ವಿಕಾಸ್ ಪರ್ವ - ಪ್ರಧಾನಿ ಮೋದಿ. ನೆರೆ ಪರಿಹಾರವಿಲ್ಲ, ಕೋವಿಡ್ ಪರಿಹಾರ ಇನ್ನೂ ನೀಡಿಲ್ಲ, ವಸತಿ ಯೋಜನೆಗಳು ಹಳ್ಳ ಹಿಡಿದಿವೆ, GST ಬಾಕಿ ಇನ್ನೂ ಕೊಟ್ಟಿಲ್ಲ, ರಸ್ತೆ ಗುಂಡಿಗಳನ್ನು ಮುಚ್ಚುವವರಿಲ್ಲ, ವಿಕಾಸವಿರುವುದು 40% ಕಮಿಷನ್‌ನಲ್ಲಿ ಮಾತ್ರ! ಲಜ್ಜೆ ಬಿಟ್ಟವರು ಮಾತ್ರ ಸುಳ್ಳನ್ನು ಸುಲಲಿತವಾಗಿ ಹೇಳಬಲ್ಲರು ಎಂದು ಆಕ್ರೋಶ ವ್ಯಕ್ತಪಡಿಸಿದೆ.

  ಇನ್ನು ಪ್ರಧಾನಿಯವರೇ, ನಿಮ್ಮಿಂದ ನ್ಯಾಯ ಸಿಗಬಹುದೆಂದು 40% ಕಮಿಷನ್ ಕಿರುಕುಳದ ಬಗ್ಗೆ ನಿಮ್ಮದೇ ಪಕ್ಷದ ಕಾರ್ಯಕರ್ತ, ಗುತ್ತಿಗೆದಾರ ಸಂತೋಷ್ ಪಾಟೀಲ್ ಪತ್ರ ಬರೆದಿದ್ದರು, ನೀವು ಸ್ಪಂದಿಸದ ಕಾರಣ ಆತ್ಮಹತ್ಯೆಗೆ ಶರಣಾಗಿದ್ದರು. ಅವರ ಕುಟುಂಬಕ್ಕೆ ಸಾಂತ್ವಾನ ಹೇಳುವುದಿಲ್ಲವೇ? 40% ಕಮಿಷನ್ ನಿಗ್ರಹಿಸುವ ಮನಸಿಲ್ಲವೇ? ಎಂದು ಪ್ರಶ್ನಿಸಿದೆ.

  ಡಬಲ್ ಇಂಜಿನ್ ಸರ್ಕಾರಗಳಿಂದ ವಿಕಾಸ್ ಪರ್ವ - ಪ್ರಧಾನಿ ಮೋದಿ.
  
  ನೆರೆ ಪರಿಹಾರವಿಲ್ಲ,
  ಕೋವಿಡ್ ಪರಿಹಾರ ಇನ್ನೂ ನೀಡಿಲ್ಲ,
  ವಸತಿ ಯೋಜನೆಗಳು ಹಳ್ಳ ಹಿಡಿದಿವೆ,
  GST ಬಾಕಿ ಇನ್ನೂ ಕೊಟ್ಟಿಲ್ಲ,
  ರಸ್ತೆ ಗುಂಡಿಗಳನ್ನು ಮುಚ್ಚುವವರಿಲ್ಲ,
  
  ವಿಕಾಸವಿರುವುದು 40% ಕಮಿಷನ್‌ನಲ್ಲಿ ಮಾತ್ರ!
  
  ಲಜ್ಜೆ ಬಿಟ್ಟವರು ಮಾತ್ರ ಸುಳ್ಳನ್ನು ಸುಲಲಿತವಾಗಿ ಹೇಳಬಲ್ಲರು!

  — Karnataka Congress (@INCKarnataka) June 21, 2022