ಕಲಬುರಗಿಯಲ್ಲಿ ಮುಂಜಾವಿನಲ್ಲಿ ಜೆಸಿಬಿ ಸದ್ದು-ಅಕ್ರಮ ಮನೆ ನೆಲಸಮ ಕಾರ್ಯಾಚರಣೆ

•   Sun, Jun 19 2022 10:22:35 AM



• ಕಲಬುರಗಿ, ಜೂ 19 (DaijiworldNews/DB): ಸರ್ಕಾರಿ ಭೂಮಿಯಲ್ಲಿ ಅಕ್ರಮವಾಗಿ ನಿರ್ಮಾಣ ಮಾಡಲಾಗಿರುವ ಮನೆಗಳನ್ನು ನೆಲಸಮ ಮಾಡುವ ಕಾರ್ಯಾಚರಣೆ ಭಾನುವಾರ ಬೆಳ್ಳಂಬೆಳಗ್ಗೆ ಕಲಬುರಗಿ ನಗರದ ಜಾಫರಾಬಾದ್ ಪ್ರದೇಶದಲ್ಲಿ ‌ನಡೆದಿದೆ. ಜಿಲ್ಲಾಡಳಿತದಿಂದ ಈ ಕೆಲಸ ನಡೆದಿದೆ.

  
  ಸಾಂದರ್ಭಿಕ ಚಿತ್ರ

  ಪೊಲೀಸರೊಂದಿಗೆ ಮುಂಜಾವು ನಾಲ್ಕು ಗಂಟೆಗೆ ಜಿಲ್ಲಾಧಿಕಾರಿ ಯಶ್ವಂತ ಗುರುಕರ್‌, ಅಪರ ಜಿಲ್ಲಾಧಿಕಾರಿ ಭೀಮಾಶಂಕರ ತೆಗ್ಗೆಳ್ಳಿ, ತಹಶೀಲ್ದಾರ ಪ್ರಕಾಶ ಕುದುರೆ, ಪಾಲಿಕೆ ಅಧಿಕಾರಿಗಳು ಮತ್ತಿತರರು ತೆರಳಿ ಕಾರ್ಯಾಚರಣೆ ನಡೆಸಿದ್ದಾರೆ.

  ಸುಮಾರು 20 ಎಕರೆ ಪ್ರದೇಶದಲ್ಲಿ ಅಕ್ರಮವಾಗಿ ಒತ್ತುವರಿ ಮಾಡಿಕೊಂಡು ಮನೆ, ಇತರ ಕಟ್ಟಡಗಳನ್ನು ನಿರ್ಮಿಸಿದ್ದವರನ್ನು ಅಲ್ಲಿಂದ ಎಬ್ಬಿಸಿ ಜೆಸಿಬಿ ಮುಖಾಂತರ ಎಲ್ಲಾ ಮನೆ, ಕಟ್ಟಡಗಳನ್ನು ನೆಲಸಮ ಮಾಡಲಾಯಿತು.