ಕುಡಿದು ಲಾರಿ ಚಲಾಯಿಸಿ ಅವಾಂತರ-ಬಿಎಂಟಿಸಿ ಚಾಲಕನ ಸಮಯ ಪ್ರಜ್ಞೆಯಿಂದ ತಪ್ಪಿದ ಅನಾಹುತ

•   Sun, Jan 13 2019 11:02:48 PM



• ಬೆಂಗಳೂರು, ಜ 13(SM): ಬಿಎಂಟಿಸಿ ಬಸ್​ ಚಾಲಕನ ಸಮಯಪ್ರಜ್ಞೆಯಿಂದ ಆನೇಕಲ್-ಚಂದಾಪುರ ಮಾರ್ಗ ಮಧ್ಯೆ ಮರಸೂರು ಗೇಟ್ ಬಳಿ ಭಾರೀ ಅಪಘಾತವೊಂದು ತಪ್ಪಿದೆ.

  

  ಬಿಎಂಟಿಸಿ ಬಸ್ ಆನೇಕಲ್​ನಿಂದ ಕಲಾಸಿಪಾಳ್ಯ ಕಡೆ ತೆರಳುತ್ತಿತ್ತು. ಈ ​​ವೇಳೆ ವಿರುದ್ಧ ದಿಕ್ಕಿನಿಂದ ಲಾರಿಯೊಂದು ವೇಗವಾಗಿ ಬಂದಿದೆ. ಲಾರಿಯ ಅತಿಯಾದ ವೇಗ ಗಮನಿಸಿದ ಬಸ್ ಚಾಲಕ ಮೌನೇಶ್ ಚಾಣಾಕ್ಷತನದಿಂದ ಬಸ್​ನ್ನು ಎಡಗಡೆ ಟರ್ನ್ ತೆಗೆದುಕೊಳ್ಳುವ ಮೂಲಕ ಭಾರಿ ಅಪಘಾತವನ್ನು ತಪ್ಪಿಸಿದ್ದಾರೆ. ಆದರೂ ಕೂಡ ಲಾರಿ ಬಸ್​ನ ಬಲಭಾಗಕ್ಕೆ ಡಿಕ್ಕಿ ಹೊಡೆದಿದೆ.

  ಆದರೆ ಬಸ್​ ಪ್ರಯಾಣಿಕರಿಗೆ ಯಾವುದೇ ರೀತಿಯ ತೊಂದರೆಯಾಗಿಲ್ಲ. ಬಸ್ಸಿನ ಒಂದು ಬದಿಗೆ ಡಿಕ್ಕಿ ಹೊಡೆದ ಲಾರಿ ಚಾಲಕ ಲಾರಿಯನ್ನು ನಿಲ್ಲಿಸದೇ ಹಾಗೆಯೇ ಪರಾರಿಯಾಗಿದ್ದಾನೆ. ಬಸ್​ನಲ್ಲಿ ಸುಮಾರು 50 ಪ್ರಯಾಣಿಕರಿದ್ದರು. ಅದೃಷ್ಟವಶಾತ್​ ಅಪಯಾದಿಂದ ಪಾರಾಗಿದ್ದಾರೆ.

  ಲಾರಿ ಚಾಲಕ ಕುಡಿದ ಅಮಲಿನಲ್ಲಿದ್ದ ಎಂಬುದು ತನಿಖೆಯಿಂದ ತಿಳಿದುಬಂದಿದೆ. ಈ ಕುರಿತಂತೆ ಪೊಲೀಸರು ಕ್ರಮ ಕೈಗೊಂಡಿದ್ದಾರೆ.