ಸೋನಾಕ್ಷಿ ಸಿನ್ಹಾರ ಸ್ಟೈಲಿಶ್ ಫೋಟೋಗಳಿಗೆ ಅಭಿಮಾನಿಗಳು ಫುಲ್ ಖುಷ್

•   Sat, May 28 2022 06:09:38 PM



• ಮುಂಬೈ, ಮೇ 28 (DaijiworldNews/DB): ಸೆಲೆಬ್ರಿಟಿಗಳು ಎಲ್ಲೇ ಹೋದರೂ, ಏನೇ ಮಾಡಿದರೂ ಸುದ್ದಿಯಾಗುತ್ತಲೇ ಇರುತ್ತಾರೆ. ಪ್ರವಾಸ ತೆರಳಿದರೆ, ಹೊಸ ಬಟ್ಟೆ ಧರಿಸಿದರೂ ಸೆಲೆಬ್ರಿಟಿಗಳು ಸುದ್ದಿಗೆ ಆಹಾರವಾಗುತ್ತಾರೆ. ಸದ್ಯ ಈ ಸರದಿ ಸೋನಾಕ್ಷಿ ಸಿನ್ಹಾರದ್ದು.

  ಮಾಲ್ಡೀವ್ಸ್ ಪ್ರವಾಸದಲ್ಲಿರುವ ಬಾಲಿವುಡ್ ನಟಿ ಸೋನಾಕ್ಷಿ ಸಿನ್ಹಾ ತಮ್ಮ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಮತ್ಸ್ಯಕನ್ಯೆಯಂತೆ ಕಂಗೊಳಿಸುತ್ತಿರುವ ಸೋನಾಕ್ಷಿ ಸ್ಟೈಲ್‌ಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ವೆಡ್ಡಿಂಗ್ ಬ್ಲೂಸ್‌ ಎಂಬ ಅಡಿಬರಹದಲ್ಲಿ ವಿವಿಧ ಭಂಗಿಯ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಅಭಿಮಾನಿಗಳು ಸಿಕ್ಕಾಪಟ್ಟೆ ಕಮೆಂಟ್ ಮಾಡುತ್ತಿದ್ದಾರೆ.

  ನೀಲಿ ಬಣ್ಣದ ಲಾಂಗ್ ಗೌನ್‌ ಮಾದರಿಯ ಡ್ರೆಸ್‌ ಹಾಕಿಕೊಂಡಿರುವ ಅವರ ಫೋಟೋದಲ್ಲಿ ಸೋನಾಕ್ಷಿ ತುಂಬಾ ಸ್ಟೈಲ್ ಆಗಿ ಕಾಣುತ್ತಿದ್ದಾರೆ. ಉದ್ದನೆಯ ಉಗುರುಗಳನ್ನು ಮುಖಕ್ಕೆ ಅಡ್ಡ ಹಿಡಿದುಕೊಂಡು ತೆಗೆದಿರುವ ಫೋಟೋಗಳು ಸೋನಾಕ್ಷಿಗೆ ಮತ್ಸ್ಯಕನ್ಯೆಯ ಲುಕ್ ನೀಡಿದೆ. ಆದರೆ ಈ ಫೋಟೋಗಳು ಮಾಲ್ಡೀವ್ಸ್‌ನಲ್ಲಿ ತೆಗೆದಿರುವುದೇ ಎಂಬುದು ಗೊತ್ತಾಗಿಲ್ಲ. ಮಾಲ್ಡೀವ್ಸ್‌ನಲ್ಲಿ ತೆಗೆದ ಫೋಟೋ ಎಂಬುದಕ್ಕೆ ಬ್ಯಾಕ್‌ಗ್ರೌಂಡ್‌ನಲ್ಲಿ ಯಾವುದೇ ಸೀನರಿಗಳಿಲ್ಲ. ಪ್ಲೈನ್‌ ಬ್ಯಾಕ್‌ಗ್ರೌಂಡ್‌ನಲ್ಲಿ ಸೋನಾಕ್ಷಿ ಫೋಟೋ ತೆಗೆದಿರುವುದು ಯಾಕೆ ಎಂಬುದು ಗೊತ್ತಾಗಿಲ್ಲ. ಅದೇನೇ ಇರಲಿ ಸಖತ್ ಸ್ಟೈಲ್ ಆಗಿ ಕಾಣುತ್ತಿರುವ ಸೋನಾಕ್ಷಿ ಫೋಟೋಗಳಿಗೆ ಅಭಿಮಾನಿಗಳು ಫಿದಾ ಆಗಿರುವುದಂತೂ ನಿಜ.