ಲೋಕಸಭಾ ಚುನಾವಣೆ ಹಿನ್ನೆಲೆ-ಸೋನಿಯಾ ಗಾಂಧಿಯಿಂದ ಮೂರು ತಂಡ ರಚನೆ

•   Tue, May 24 2022 06:24:18 PM



• ನವದೆಹಲಿ, ಮೇ 24 (DaijiworldNews/DB): ಮುಂಬರುವ ಲೋಕಸಭಾ ಚುನಾವಣೆ ದೃಷ್ಟಿಯಿಂದ ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರು ಮೂರು ತಂಡಗಳನ್ನು ರಚಿಸಿ ಚುನಾವಣಾ ಸಿದ್ದತೆಯನ್ನು ಪರಿಣಾಮಕಾರಿಯಾಗಿಸಲು ತಯಾರಿ ನಡೆಸುತ್ತಿದ್ದಾರೆ.

  
  ಮುಖ್ಯ ವಿಷಯಗಳ ಕುರಿತು ಮಾರ್ಗದರ್ಶನಕ್ಕಾಗಿ ರಾಜಕೀಯ ವ್ಯವಹಾರಗಳ ಸಮಿತಿ, ಉದಯಪುರದ 'ನವ್ ಸಂಕಲ್ಪ್' ಘೋಷಣೆ ಟಾಸ್ಕ್ ಫೋರ್ಸ್-2024 ಮತ್ತು ಅಕ್ಟೋಬರ್‌ನಲ್ಲಿ ಆಯೋಜಿಸಿರುವ 'ಭಾರತ್ ಜೋಡೋ ಯಾತ್ರೆ'ಯ ನಿರ್ವಹಣೆಗಾಗಿ ಇನ್ನೊಂದು ಸೇರಿ ಒಟ್ಟುಮೂರು ತಂಡ ರಚನೆಯಾಗಿದೆ.

  ರಾಹುಲ್ ಗಾಂಧಿ, ಗುಲಾಂ ನಬಿ ಆಜಾದ್ ಮತ್ತು ಆನಂದ್ ಶರ್ಮಾ ರಾಜಕೀಯ ವ್ಯವಹಾರಗಳ ಸಮಿತಿಯಲ್ಲಿದ್ದರೆ, ಹಿರಿಯ ನಾಯಕರಾದ ಪಿ. ಚಿದಂಬರಂ ಮತ್ತು ಪ್ರಿಯಾಂಕಾ ಗಾಂಧಿ ವಾದ್ರಾ ಅವರು ಟಾಸ್ಕ್ ಫೋರ್ಸ್-2024ನಜವಾಬ್ದಾರಿ ವಹಿಸಿಕೊಂಡಿದ್ದಾರೆ. ಹಿರಿಯ ನಾಯಕರಾದ ಮಲ್ಲಿಕಾರ್ಜುನ್ ಖರ್ಗೆ, ರಾಹುಲ್ ಗಾಂಧಿ, ಅಂಬಿಕಾ ಸೋನಿ, ದಿಗ್ವಿಜಯ್ ಸಿಂಗ್, ಕೆಸಿ ವೇಣುಗೋಪಾಲ್ ಹಾಗೂ ಜಿತೇಂದ್ರ ಸಿಂಗ್ ಮತ್ತಿತರ ಪ್ರಮುಖ ನಾಯಕರು ಇದರಲ್ಲಿದ್ದಾರೆ. ಎಲ್ಲಾ ಸಮಿತಿಗಳಿಗೆ ಸೋನಿಯಾ ಗಾಂಧಿಯೇ ಮುಖ್ಯವಾಹಿನಿಯಲ್ಲಿದ್ದು, ಮಾರ್ಗದರ್ಶನ ಮಾಡಲಿದ್ದಾರೆ.

  ಪಕ್ಷ ಸಂಘಟನೆ, ಸಂವಹನ, ವ್ಯವಹಾರ ಕೌಶಲ್ಯ, ಮಾಧ್ಯಮ, ಪ್ರಭಾವ, ಹಣಕಾಸು, ಚುನಾವಣೆ ನಿರ್ವಹಣೆ ಸೇರಿದಂತೆ ವಿವಿಧ ಕೆಲಸ ಕಾರ್ಯಗಳನ್ನು ತಂಡಗಳಿಗೆ ಹಂಚಿ ಅದರಂತೆ ಪರಿಣಾಮಕಾರಿ ಕೆಲಸ ನಿರ್ವಹಿಸುವ ಉದ್ದೇಶವನ್ನು ಸೋನಿಯಾ ಗಾಂಧಿ ಹೊಂದಿದ್ದಾರೆ ಎನ್ನಲಾಗಿದೆ.