ನೈಜೀರಿಯಾದ ಅಕ್ರಮ ತೈಲ ಸಂಸ್ಕರಣಾ ಡಿಪೋದಲ್ಲಿ ಸ್ಪೋಟ-100ಕ್ಕೂ ಹೆಚ್ಚು ಸಾವು

•   Sun, Apr 24 2022 11:34:07 AM



• ಯೆನಗಾವ್, ಏ 24 (DaijiworldNews/DB): ಅಕ್ರಮ ತೈಲ ಸಂಸ್ಕರಣಾ ಡಿಪೋದಲ್ಲಿ ಶನಿವಾರ ರಾತ್ರಿ ಸಂಭವಿಸಿದ ಸ್ಫೋಟದಲ್ಲಿ 100ಕ್ಕೂ ಹೆಚ್ಚು ಮಂದಿ ಸಾವನ್ನಪ್ಪಿರುವ ಘಟನೆ ನೈಜೀರಿಯಾದಲ್ಲಿ ನಡೆದಿದೆ.

  ನದಿಗಳು ಮತ್ತು ಇಮೋ ರಾಜ್ಯಗಳ ಗಡಿಯಲ್ಲಿರುವ ಘಟಕದ ಅಕ್ರಮ ಬಂಕರ್ ಸೈಟ್‌ನಲ್ಲಿ ಈ ಸ್ಪೋಟ ಸಂಭವಿಸಿದೆ. ಮೃತದೇಹಗಳು ಗುರುತು ಪತ್ತೆಯಾಗದಷ್ಟು ಸುಟ್ಟು ಹೋಗಿವೆ ಎಂದು ಪೆಟ್ರೋಲಿಯಂ ಸಂಪನ್ಮೂಲಗಳ ರಾಜ್ಯ ಕಮಿಷನರ್ ಗುಡ್‌ಲಕ್ ಓಪಿಯಾ ಹೇಳಿದ್ದಾರೆ. ಇನ್ನು ಅಕ್ರಮ ಇಂಧನ ಖರೀದಿಸಲು ಸಾಲಿನಲ್ಲಿ ನಿಂತಿದ್ದ ಹಲವು ವಾಹನಗಳು ಕೂಡಾ ಸ್ಪೋಟದಿಂದಾಗಿ ಸುಟ್ಟು ಕರಕಲಾಗಿವೆ.

  ಇಲ್ಲಿ ಕಚ್ಚಾತೈಲವನ್ನು ಟ್ಯಾಪ್ ಮಾಡಿ ತಾತ್ಕಾಲಿಕ ಟ್ಯಾಂಕ್‌ಗಳಲ್ಲಿ ಉತ್ಪನ್ನಗಳಾಗಿ ಸಂಸ್ಕರಿಸಲಾಗುತ್ತದೆ. ಈ ಘಟಕವು ಸಾಕಷ್ಟು ಮಂದಿಗೆ ಉದ್ಯೋಗ ಒದಗಿಸಿದ್ದರೂ, ಮಾರಕ ಪರಿಣಾಮವನ್ನು ಹೊಂದಿದೆ ಎಂದು ಸುದ್ದಿಸಂಸ್ಥೆಯೊಂದು ವರದಿ ಮಾಡಿದೆ.