ಅವಿಶ್ವಾಸ ನಿರ್ಣಯ ವಜಾ: ಇಮ್ರಾನ್ ಖಾನ್‌‌ಗೆ ತಾತ್ಕಾಲಿಕ ರಿಲೀಫ್

•   Sun, Apr 03 2022 02:11:15 PM



• ಇಸ್ಲಮಾಬಾದ್, ಏ 03 (DaijiworldNews/DB): ಪಾಕಿಸ್ಥಾನದ ಪ್ರಧಾನ ಮಂತ್ರಿ ಇಮ್ರಾನ್ ಖಾನ್ ವಿರುದ್ಧದ ಅವಿಶ್ವಾಸ ನಿರ್ಣಯವನ್ನು ಉಪ ಸಭಾಪತಿ ಭಾನುವಾರ ವಜಾಗೊಳಿಸಿದ್ದಾರೆ. ಆ ಮೂಲಕ ಇಮ್ರಾನ್ ಖಾನ್ ಕುರ್ಚಿ ತಾತ್ಕಾಲಿಕವಾಗಿ ಗಟ್ಟಿಯಾಗಿದೆ.

  ಭದ್ರತಾ ಬೆದರಿಕೆಯನ್ನು ಉಲ್ಲೇಖಿಸಿ ಈ ಅವಿಶ್ವಾಸ ನಿರ್ಣಯವನ್ನು ವಜಾಗೊಳಿಸಲಾಗಿದೆ. ಅಲ್ಲದೇ ಕಲಾಪವನ್ನು ಏಪ್ರಿಲ್ 25ರವರೆಗೆ ಮುಂದೂಡಿ ಉಪ ಸಭಾಪತಿಗಳು ಆದೇಶಿಸಿದ್ದಾರೆ.

  ರಾಷ್ಟ್ರದಲ್ಲಿ ಆರ್ಥಿಕ ಬಿಕ್ಕಟ್ಟು ಮತ್ತು ಹಣದುಬ್ಬರ ಹೆಚ್ಚಳವಾಗುವುದಕ್ಕೆ ಇಮ್ರಾನ್​ ಖಾನ್​ ನೇತೃತ್ವದ ಪಾಕಿಸ್ತಾನ್ ತೆಹ್ರೀಕ್-ಇ-ಇನ್ಸಾಫ್ ಪಕ್ಷವೇ ಕಾರಣ ಎಂದು ಆರೋಪಿಸಿ ಮಾರ್ಚ್​ 8ರಂದು ರಾಷ್ಟ್ರೀಯ ಅಸೆಂಬ್ಲಿಯ ಸೆಕ್ರೆಟರಿಯೇಟ್​ ಗೆ ಪ್ರತಿಪಕ್ಷಗಳು ಅವಿಶ್ವಾಸ ನಿರ್ಣಯ ಸಲ್ಲಿಕೆ ಮಾಡಿದ್ದವು.

  ಬಳಿಕ ನಿರ್ಣಯ ಮಂಡನೆ ಮುಂದೂಲ್ಪಟ್ಟು ಇಂದಿಗೆ ನಿಗದಿಯಾಗಿತ್ತು. ಇದೀಗ ಮತ್ತೆ ಕಲಾಪ ಮುಂದೂಡಲ್ಪಟ್ಟಿರುವುದರಿಂದ ಇಮ್ರಾನ್ ಖಾನ್ ಗೆ ತಾತ್ಕಾಲಿಕ ರಿಲೀಫ್ ಸಿಕ್ಕಂತಾಗಿದೆ.

  ಪಾಕ್ ಪ್ರಧಾನಿಯವರು ತಮ್ಮ ವಿರುದ್ದ ವಿದೇಶಿ ಪಿತೂರಿ ಕೆಲಸ ಮಾಡುತ್ತಿದೆ ಎಂದು ಈ ಹಿಂದೆ ಆರೋಪಿಸಿದ್ದರು.