ವಿಜಯೋತ್ಸವದ ಮೇಲಿನ ನಿಷೇಧ ಹಿಂಪಡೆದ ಚುನಾವಣಾ ಆಯೋಗ

•   Thu, Mar 10 2022 01:00:57 PM



• ನವದೆಹಲಿ, ಮಾ 10 (DaijiworldNews/DB): ವಿಜಯೋತ್ಸವ ಮೆರವಣಿಗೆಗೆ ವಿಧಿಸಿದ್ದ ನಿಷೇಧವನ್ನು ಚುನಾವಣಾ ಆಯೋಗ ಗುರುವಾರ ಹಿಂಪಡೆದಿದೆ.

  ಪಂಚರಾಜ್ಯ ಚುನಾವಣೆ ಫಲಿತಾಂಶದ ಸಂದರ್ಭದಲ್ಲಿ ನಿಷೇಧ ಹಿಂಪಡೆದಿರುವುದು ಮಹತ್ವ ಪಡೆದಿದ್ದು, ಚುನಾವಣೆಯಲ್ಲಿ ಗೆದ್ದ ಪಕ್ಷಗಳಿಗೆ ವಿಜಯೋತ್ಸವ ನಡೆಸಲು ಅನುಕೂಲವಾದಂತಾಗಿದೆ.

  ಆದರೆ, ರಾಜ್ಯಗಳಲ್ಲಿ ಕೋವಿಡ್-19 ಸ್ಥಿತಿಯನ್ನು ಗಮನದಲ್ಲಿಟ್ಟುಕೊಂಡು, ಮತ ಎಣಿಕೆ ಸಂದರ್ಭದಲ್ಲಿ ಮತ್ತು ಫಲಿತಾಂಶದ ಬಳಿಕದ ವಿಜಯೋತ್ಸವದ ಮೇಲಿನ ನಿಷೇಧ ಸಡಿಲಿಕೆಯಾಗುತ್ತದೆ ಎಂದೂ ತಿಳಿಸಲಾಗಿದೆ.

  ಉತ್ತರ ಪ್ರದೇಶ, ಉತ್ತರಾಖಂಡ, ಗೋವಾ, ಪಂಜಾಬ್, ಮಣಿಪುರ ವಿಧಾನಸಭಾ ಚುನಾವಣೆಗೆ ವೇಳಾಪಟ್ಟಿ ಪ್ರಕಟಿಸುವ ಸಂದರ್ಭದಲ್ಲಿ ಕೋವಿಡ್-19 ಪರಿಸ್ಥಿತಿ ಬಿಗಡಾಯಿಸಿತ್ತು‌. ಅದಕ್ಕಾಗಿ ರಾಜಕೀಯ ಪಕ್ಷಗಳ ರ್ಯಾಲಿ, ವಿಜಯೋತ್ಸವ ಮುಂತಾದವುಗಳನ್ನು ನಿರ್ಬಂಧಿಸಿ ರಾಜ್ಯ ಚುನಾವಣಾ ಆಯೋಗವು ಮಾರ್ಗಸೂಚಿಗಳನ್ನು ಹೊರಡಿಸಿತ್ತು.