ರಷ್ಯಾ ಶೆಲ್ ದಾಳಿಗೆ ಪ್ರಾದೇಶಿಕ ಸೇನೆಗೆ ಸೇರ್ಪಡೆಯಾಗಿದ್ದ ಉಕ್ರೇನ್ ಖ್ಯಾತ ನಟ 'ಪಾಶಾ ಲಿ' ಬಲಿ

•   Tue, Mar 08 2022 03:45:38 PM



• ಕೀವ್, ಮಾ 08 (DaijiworldNews/MS): ಉಕ್ರೇನ್ ಮೇಲೆ ರಷ್ಯಾ ನಡೆಸಿರುವ ಬಾಂಬ್ ದಾಳಿಗೆ ಉಕ್ರೇನ್ ನ ಖ್ಯಾತ ನಟ ಪಾಶಾ ಲಿ (ಪಾವ್ಲೋ ಲಿ) ಸಾವನ್ನಪ್ಪಿದ್ದಾರೆ. ಈ ಕುರಿತು ಓಡೆಸಾ ಅಂತರಾಷ್ಟ್ರೀಯ ಫಿಲ್ಮ್ ಫೆಸ್ಟಿವಲ್ ದೃಢಪಡಿಸಿದೆ.

  ಉಕ್ರೇನ್ ನ ಇರ್ಪಿನ್ ನಲ್ಲಿ ರಷ್ಯಾ ನಡೆಸಿದ ದಾಳಿಯಲ್ಲಿ 33 ವರ್ಷದ ನಟ ಪಾಶಾ ಲಿ ಬಲಿಯಾಗಿದ್ದಾರೆ.

  ಉಕ್ರೇನ್ ಮೇಲೆ ಯುದ್ಧ ಸಾರಿದ ಬೆನ್ನಲ್ಲೇ ಪಾಶಾ ಲಿ ದೇಶ ರಕ್ಷಣೆಗಾಗಿ ಪ್ರಾದೇಶಿಕ ಸೇನೆಗೆ ಸೇರ್ಪಡೆಯಾಗಿದ್ದರು. ಆದರೆ ರಷ್ಯಾ ವಿರುದ್ಧ ಹೋರಾಟದಲ್ಲಿ ಲಿ ಸಾವನ್ನಪ್ಪಿದ್ದಾರೆ.

  ಶನಿವಾರದಂದು ತನ್ನ ಇನ್‌ಸ್ಟಾಗ್ರಾಮ್ ಖಾತೆಗೆ ಪೋಸ್ಟ್‌ನಲ್ಲಿ, ಲೀ "ಕಳೆದ 48 ಗಂಟೆಗಳಲ್ಲಿ ಕುಳಿತುಕೊಳ್ಳಲು ಮತ್ತು ಬಾಂಬ್ ದಾಳಿ ಮಾಡುತ್ತಿದ್ದೇವೆ ಎಂಬುದರ ಚಿತ್ರವನ್ನು ತೆಗೆದುಕೊಳ್ಳಲು ಅವಕಾಶವಿತ್ತು. ನಾವು ನಗುತ್ತಿದ್ದೇವೆ ಏಕೆಂದರೆ ನಾವು ನಿರ್ವಹಿಸುತ್ತೇವೆ ಮತ್ತು ಎಲ್ಲವೂ ಉಕ್ರೇನ್ ಆಗಿರುತ್ತದೆ , ನಾವು ಶ್ರಮವಹಿಸುತ್ತಿದ್ದೇವೆ!!!" ಬರೆದಿದ್ದಾರೆ.

  ಕೈವ್‌ನ ಉಪನಗರಗಳಲ್ಲಿ ಇರ್ಪಿನ್ ಸೇರಿದಂತೆ ರಷ್ಯಾದ ಶೆಲ್ ದಾಳಿ ಮುಂದುವರೆದಿದೆ, ಇಲ್ಲಿ ಕಳೆದ ಮೂರು ದಿನಗಳವರೆಗೆ ವಿದ್ಯುತ್, ನೀರು ಕಡಿತಗೊಂಡಿದೆ. ಇರ್ಪಿನ್‌ನಲ್ಲಿ ಸೇತುವೆಯ ಬಳಿ ಶೆಲ್ ದಾಳಿಯಲ್ಲಿ ಕನಿಷ್ಠ ನಾಲ್ಕು ನಾಗರಿಕರು ಕೊಲ್ಲಲ್ಪಟ್ಟಿದ್ದಾರೆ. ಸುಮಿ ನಗರದಲ್ಲಿ ಕಳೆದ ರಾತ್ರಿಯಿಂದ ನಿರಂತರ ಬಾಂಬ್ ದಾಳಿ ನಡೆಸುತ್ತಿದ್ದು, ಇಬ್ಬರು ಮಕ್ಕಳು ಸೇರಿ 18 ಜನರು ಮೃತಪಟ್ಟಿದ್ದಾರೆ. ಸುಮಿ ನಗರದ ಮೇಲೆ ರಷ್ಯಾ ಬರೋಬ್ಬರಿ 500 ಕೆಜಿ ಬಾಂಬ್ ದಾಳಿ ನಡೆಸಿದೆ. ನಿರಂತರ ಬಾಂಬ್ ದಾಳಿ ಬಳಿಕ ಇದೀಗ ಸುಮಿ ನಗರದಲ್ಲಿ 15 ತಾಸುಗಳ ಕಾಲ ರಷ್ಯಾ ಸೇನೆ ಕದನ ವಿರಾಮ ಘೋಷಣೆ ಮಾಡಿದೆ.