'ಸಿಎಂ ಆಗೋಕೆ ಟ್ರೈ ಮಾಡಿದಿರಿ ಆದರೆ ಸಿಕ್ಕಿಲ್ಲ ಸುಮ್ನಿರಪ್ಪಾ' - ಸಚಿವ ಅಶೋಕ್ ಕಾಲೆಳೆದ ಸಿದ್ದು

•   Mon, Mar 07 2022 03:55:04 PM



• ಬೆಂಗಳೂರು, ಮಾ 07 (DaijiworldNews/HR): ನೀವೆಲ್ಲ ಸಿಎಂ ಆಗೋಕೆ ಟ್ರೈ ಮಾಡಿದಿರಿ ಆದರೆ ಸಿಕ್ಕಿಲ್ಲ ಸುಮ್ನಿರಪ್ಪಾ ಎಂದು ಸಿದ್ದರಾಮಯ್ಯ ಅವರು ಕಂದಾಯ ಸಚಿವ ಅಶೋಕ್ ಅವರ ಕಾಲೆಳೆದಿದ್ದಾರೆ.

  ದೇವರ ಆಶೀರ್ವಾದದಿಂದ ಬೊಮ್ಮಾಯಿ ಸಿಎಂ ಆಗಿದ್ದಾರೆ ಎಂದು ಅಶೋಕ್ ಹೇಳುದಾಗ ಯೇ ಸುಮ್ನಿರಪ್ಪ ನೀವೆಲ್ಲ ಟ್ರೈ ಮಾಡಿದ್ದು ನನಗೆ ಗೊತ್ತಿಲ್ಲವೇ ? ಆಗಿಲ್ಲ ಅದಕ್ಕೆ ಸುಮ್ಮನೆ ಇದ್ದೀರಿ. ಇದನ್ನೆಲ್ಲ ಹೇಳಿದರೆ ನೀವು ಕೇಳಿಸಿಕೊಳ್ಳುವುದೇ ಇಲ್ಲ. ಬೇಡದೇ ಇರುವುದನ್ನು ಕಿವಿಗೆ ಹಾಕಿಕೊಳ್ಳದೇ ಇರುವುದು ಆರೋಗ್ಯ ದೃಷ್ಟಿಯಿಂದ ಒಳ್ಳೆಯದು ಎಂದು ವ್ಯಂಗ್ಯವಾಡಿದ್ದಾರೆ.

  ಆಯವ್ಯಯದ ಮೇಲಿನ ಚರ್ಚೆ ವೇಳೆ ಕಲಾಪ ಬಿಟ್ಟು ಹೊರಟ ಸಚಿವ ಅಶೋಕ್ ಅವರ ಕಾಲೆಳೆದ ಸಿದ್ದರಾಮಯ್ಯ, ಬೊಮ್ಮಾಯಿ ಬಜೆಟ್ ಓದುವಾಗ ನಾವೆಲ್ಲ ಕುಳಿತು ಕೇಳಿದ್ದೇವೆ. ಈಗ ನಾನು ಮಾತನಾಡುವಾಗ ನೀವು ಕುಳಿತುಕೊಳ್ಳಬೇಕು ಎಂದರು.

  ಇನ್ನು ನಾನು ನೀರು ಕುಡಿಯಲು ಹೋಗುತ್ತೇನೆ ಎಂದಾಗ, ನೀರು ಇಲ್ಲೇ ಸಿಗುತ್ತದೆ. ಯೇ ಅಶೋಕಗೆ ಇಲ್ಲೇ ನೀರು ತಂದು ಕೊಡ್ರಪ್ಪ ಎಂದು ಸಿಬ್ಬಂದಿಗೆ ಸೂಚನೆ ನೀಡಿದ್ದರು.