ಹುಬ್ಬಳ್ಳಿ: ನವೀನ್ ಮೃತದೇಹ ತವರಿಗೆ ತರಲು ನಿರಂತರ ಯತ್ನ-ಸಿಎಂ ಬೊಮ್ಮಾಯಿ

•   Sun, Mar 06 2022 09:58:42 PM



• ಹುಬ್ಬಳ್ಳಿ, ಮಾ. 06 (DaijiworldNews/SM): ರಷ್ಯಾ-ಉಕ್ರೇನ್‌ ನಡುವಿನ ಭೀಕರ ಯುದ್ಧದಲ್ಲಿ ಕನ್ನಡಿಗ ನವೀನ್ ಮೃತಪಟ್ಟಿದ್ದು, ಅವರ ಮೃತದೇಹವನ್ನು ತವರಿಗೆ ತರುವಲ್ಲಿ ಪ್ರಯತ್ನಗಳನ್ನು ನಡೆಸಲಾಗುತ್ತಿದೆ ಎಂದು ಹುಬ್ಬಳ್ಳಿಯಲ್ಲಿ ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಹೇಳಿದ್ದಾರೆ.

  ಸುದ್ದಿಗಾರರೊಂದಿಗೆ ಮಾತನಾಡಿದ ಬಸವರಾಜ್ ಬೊಮ್ಮಾಯಿ ಅವರು, 'ನವೀನ್ ಮೃತದೇಹ ತರಲು ಸರಕಾರ ನಿರಂತರವಾಗಿ ಪ್ರಯತ್ನಿಸುತ್ತಿದೆ. ಆದಷ್ಟು ಶೀಘ್ರದಲ್ಲೇ ನವೀನ್ ಮೃತದೇಹವನ್ನು ತವರಿಗೆ ತರಲು ಯತ್ನಗಳು ಮುಂದುವರೆದಿದೆ ಎಂದು ಸಿಎಂ ಬಸವರಾಜ್ ಬೊಮ್ಮಾಯಿ ತಿಳಿಸಿದ್ದಾರೆ. ಇನ್ನು ನವೀನ್ ಸಾವು ಅತ್ಯಂತ ದೊಡ್ಡ ದುರಂತವೆಂದು ಅವರು ಹೇಳಿದ್ದಾರೆ. ಸದ್ಯ ಮೃತದೇಹವನ್ನು ಮಾರ್ಚರಿಯಲ್ಲಿರಿಸಲಾಗಿದೆ ಎಂದು ಮಾಹಿತಿ ಲಭ್ಯವಾಗಿದೆ. ಬಾಂಬ್ ದಾಳಿ ನಿಂತ ಬಳಿಕ ಮೃತದೇಹ ತವರಿಗೆ ತರಲಾಗುವುದೆಂದು ಅವರು ತಿಳಿಸಿದ್ದಾರೆ.

  ಈಗಾಗಲೇ ಹಾವೇರಿಯ ನವೀನ್ ಕುಟುಂಬಸ್ಥರನ್ನು ಭೇಟಿಯಾಗಿ ಸಾಂತ್ವಾನ ಹೇಳಿದ್ದು, 25 ಲಕ್ಷ ರೂಪಾಯಿ ಚೆಕ್ ಹಸ್ತಾಂತರಿಸಿದ್ದಾರೆ.