ಉಕ್ರೇನ್ ನ ಮತ್ತೊಂದು ಪರಮಾಣು ಸ್ಥಾವರದ ಮೇಲೆ ರಷ್ಯಾ ಕಣ್ಣು

•   Sun, Mar 06 2022 09:10:03 AM



• ಕೀವ್, ಮಾ 06 (DaijiworldNews/DB): ಉಕ್ರೇನ್‌ ನ ಎರಡು ಪರಮಾಣು ಸ್ಥಾವರಗಳನ್ನುಈಗಾಗಲೇ ವಶಪಡಿಸಿಕೊಂಡಿರುವ ರಷ್ಯಾದ ಪಡೆಗಳು ಇನ್ನೊಂದು ಅಣುಸ್ಥಾವರ ವಶಕ್ಕೆ ಮುಂದಾಗಿದೆ ಎಂದು ಉಕ್ರೇನ್ ಅಧ್ಯಕ್ಷರು ಅಮೆರಿಕಾದ ಸೆನೆಟರ್‌ಗಳಿಗೆ ಶನಿವಾರ ತಿಳಿಸಿರುವುದಾಗಿ ಸುದ್ದಿ ಸಂಸ್ಥೆಯೊಂದು ವರದಿ ಮಾಡಿದೆ.

  ರಷ್ಯಾ ಈ ಹಿಂದೆ ವಷಶಪಡಿಸಿಕೊಂಡ ಯುಝ್ನೋಕ್ರೈನ್ಸ್ಕ್ ದಿಂದ ಕೇವಲ 20 ಕಿ.ಮೀ ದೂರದ ಈ ಅಣು ಸ್ಥಾವರ ಇದೆ. ಈ ಅಣುಸ್ಥಾವರವನ್ನು ರಷ್ಯಾ ಸೈನಿಕರು ಈಗಾಗಲೆ ಸುತ್ತುವರೆದಿವೆ ಎಂದವರು ಮಾಹಿತಿ ನೀಡಿದ್ದಾರೆ.

  ರಷ್ಯಾ ವಶಪಡಿಸಿಕೊಂಡಿದ್ದ ಜಪೋರಿಝಿಯಾ ಪರಮಾಣು ಸ್ಥಾವರವು ಪ್ರಸ್ತುತ ಉಕ್ರೇನ್ ನಿಯಂತ್ರಣದಲ್ಲಿದೆ. ಇದೀಗ ಚೆರ್ನೋಬಿಲ್ ಅಣುಸ್ಥಾವರದೆಡೆಗೆ ರಷ್ಯಾ ಪಡೆಗಳ ಕಣ್ಣು ನೆಟ್ಟಿದೆ ಎಂಬುದಾಗಿ ಮಾಹಿತಿ ಲಭ್ಯವಾಗಿದೆ. ಉಕ್ರೇನ್ ನಲ್ಲಿ 4 ಅಣು ಸ್ಥಾವರನಗಳಿದ್ದು, 15 ರಿಯಾಕ್ಟರ್ ಗಳಿವೆ.

  ಕದನ ವಿರಾಮ ಉಲ್ಲಂಘಿಸಿದ ರಷ್ಯಾ
  ಉಕ್ರೇನ್ ಮೇಲೆ ನಡೆಸುತ್ತಿದ್ದ ಯುದ್ಧಕ್ಕೆ ಶನಿವಾರ ತಾತ್ಕಾಲಿಕ ಕದನ ವಿರಾಮ ಘೋಷಿಸಿದ್ದ ರಷ್ಯಾ, ಘೋಷಣೆ ಹೊರಡಿಸಿದ ಕೆಲವೇ ಗಂಟೆಗಳಲ್ಲಿ ಉಕ್ರೇನ್​ನ ಹಲವು ನಗರಗಳಲ್ಲಿ ಶೆಲ್ ದಾಳಿ ನಡೆಸುವ ಮೂಲಕ ಕದನ ವಿರಾಮ ಉಲ್ಲಂಘನೆ ಮಾಡಿರುವುದಾಗಿ ವರದಿಗಳು ತಿಳಿಸಿವೆ.

  ರಷ್ಯಾದ ಈ ನಡೆಯಿಂದಾಗಿ ಮರಿಪೋಲ್‌ನಿಂದ ನಾಗರಿಕರ ಸ್ಥಳಾಂತರಿಸುವಿಕೆಯನ್ನು ಮತ್ತೆ ಸ್ಥಗಿತಗೊಳಿಸಲಾಯಿತು. ’ಮರಿಪೋಲ್ ಮತ್ತು ಅದರ ಸುತ್ತಮುತ್ತಲಿನ ಪ್ರದೇಶದ ಮೇಲೆ ಗುಂಡಿನ ದಾಳಿಯನ್ನು ರಷ್ಯಾ ಮುಂದುವರೆಸಿದೆ” ಎಂದು ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಅವರ ಕಚೇರಿಯ ಉಪ ಮುಖ್ಯಸ್ಥ ಕೈರಿಲೊ ಟಿಮೊಶೆಂಕೊ ಮಾಧ್ಯಮಗಳಿಗೆ ತಿಳಿಸಿದ್ದಾರೆ.