ಆಸ್ಟ್ರೇಲಿಯಾದ ಕ್ರಿಕೆಟ್‌ ದಿಗ್ಗಜ ರಾಡ್‌ ಮಾರ್ಷ್‌ ನಿಧನ

•   Fri, Mar 04 2022 12:07:15 PM



• ಸಿಡ್ನಿ, ಮಾ 04 (DaijiworldNews/MS): ಆಸ್ಟ್ರೇಲಿಯಾದ ಕ್ರಿಕೆಟ್ ದಿಗ್ಗಜ ಹಾಗೂ ಲೆಜೆಂಡರಿ ವಿಕೆಟ್ ಕೀಪರ್ ಆದಂತಹ ರಾಡ್ ಮಾರ್ಷ್ (74) ಪರಿಹಾರ ನಿಧಿ ಸಂಗ್ರಹಿಸುತ್ತಿರುವ ವೇಳೆ ಹೃದಯಾಘಾತವಾಗಿದ್ದು, ಆಸ್ಪತ್ರೆಗೆ ಸಾಗಿಸುವಾಗ ಅವರು ಕೋಮಾಕ್ಕೆ ಜಾರಿದ್ದರು. ಆದರೆ ಅಡಿಲೇಡ್ ಆಸ್ಪತ್ರೆಯೊಂದರಲ್ಲಿ ಚಿಕಿತ್ಸೆ ಫಲಕಾರಿಯಾಗದೇ ಇಂದು ಕೊನೆಯುಸಿರೆಳೆದಿದ್ದಾರೆ.

  74 ವರ್ಷದ ವಿಕೆಟ್‌ ಕೀಪರ್ ಮಾರ್ಷ್‌, 1970 ಮತ್ತು 1980ರ ಅವಧಿಯಲ್ಲಿ 96 ಟೆಸ್ಟ್‌, 92 ಏಕದಿನ ಪಂದ್ಯಗಳನ್ನು ಆಡಿದ್ದಾರೆ. ಆಸ್ಟ್ರೇಲಿಯಾದ ಅತ್ಯುತ್ತಮ ವಿಕೆಟ್‌ ಕೀಪರ್‌ಗಳಲ್ಲಿ ಒಬ್ಬರೆನಿಸಿಕೊಂಡಿದ್ದ ಅವರು, 355 ಔಟ್‌ಗಳನ್ನು ಮಾಡಿದ್ದಾರೆ.

  1984ರಲ್ಲಿ ಕ್ರಿಕೆಟ್‌ನಿಂದ ನಿವೃತ್ತಿಯಾಗಿ, ಆ ನಂತರ ದೀರ್ಘಕಾಲ ರಾಷ್ಟ್ರೀಯ ಆಯ್ಕೆಗಾರರಾಗಿದ್ದರು. ಮಾರ್ಷ್‌ ನಿಧನಕ್ಕೆ ಆಸ್ಟ್ರೇಲಿಯಾದ ಕ್ರಿಕೆಟ್‌ ಮಂಡಳಿ, ಆಟಗಾರರು ಮತ್ತು ವಿಶ್ವದ ಕ್ರಿಕೆಟ್‌ ಸಮುದಾಯ ಬೇಸರ ವ್ಯಕ್ತಪಡಿಸಿದೆ.