ಚೋಳ ವಂಶದ ಮಂದಾಕಿನಿ ದೇವಿಯಾದ ಮಾಜಿ ವಿಶ್ವ ಸುಂದರಿ

•   Thu, Mar 03 2022 04:50:47 PM



• ಚೆನ್ನೈ, ಮಾ 03 (DaijiworldNews/HR): ಮಣಿರತ್ನಂ ನಿರ್ದೇಶನದ 'ಪೊನ್ನಿಯಿನ್​ ಸೆಲ್ವನ್' ಸಿನಿಮಾದ ಮೊದಲ ಭಾಗವು ಸೆ.30ರಂದು ವಿಶ್ವದಾದ್ಯಂತ ತೆರೆಕಾಣಲಿದ್ದು, ಈ ಸಿನಿಮಾದಲ್ಲಿ ನಟಿ ಐಶ್ವರ್ಯಾ ರೈ ಬಚ್ಚನ್ ಅವರು ವಿಶೇಷ ಪಾತ್ರದಲ್ಲಿ ವಿಂಚುಲಿದ್ದಾರೆ.

  1955ರಲ್ಲಿ ಕಲ್ಕಿ ಕೃಷ್ಣಮೂರ್ತಿಯವರು ರಚಿಸಿದ ರಾಜ ಅರುಲ್ಮೋಳಿವರ್ಮನ್ ಅವರ ಜೀವನಚರಿತ್ರೆ ಒಳಗೊಂಡಿರುವ ಕಾದಂಬರಿ ಆಧರಿಸಿ 'ಪೊನ್ನಿಯಿನ್​ ಸೆಲ್ವನ್' ಸಿನಿಮಾ ಸಿದ್ಧಪಡಿಸಲಾಗುತ್ತಿದ್ದು, ಇದರಲ್ಲಿ ಚೋಳ ವಂಶದ ಮಂದಾಕಿನಿ ದೇವಿಯಾಗಿ ಮಾಜಿ ವಿಶ್ವ ಸುಂದರಿ ಐಶ್ವರ್ಯಾ ರೈ ಕಾಣಿಸಿಕೊಳ್ಳಲಿದ್ದಾರೆ.

  ಪೊನ್ನಿಯಿನ್​ ಸೆಲ್ವನ್ ಸಿನಿಮಾದಲ್ಲಿ ತಮಿಳು ಮತ್ತು ಹಿಂದಿ ಚಿತ್ರರಂಗದ ಅನೇಕ ಕಲಾವಿದರು ಅಭಿನಯಿಸುತ್ತಿದ್ದು, ಚಿತ್ರಕ್ಕೆ ಎ.ಆರ್​. ರೆಹಮಾನ್​ ಸಂಗೀತ ನಿರ್ದೇಶನ ಮಾಡಿದ್ದು, ತಮಿಳಿನ 'ಲೈಕಾ ಪ್ರೊಡಕ್ಷನ್​' ನಿರ್ಮಾಣ ಮಾಡುತ್ತಿದೆ. ಇದರ ಪೋಸ್ಟರ್‌ಗಳು ಗಮನ ಸೆಳೆದಿದೆ.

  ಇನ್ನು ಪೊನ್ನಿಯಿನ್​ ಸೆಲ್ವನ್ ಸಿನಿಮಾದಲ್ಲಿ ಬಾಲಿವುಡ್ ನಟಿ ​ ಐಶ್ವರ್ಯಾ ರೈ ಬಚ್ಚನ್, ತ್ರಿಷಾ, ನಟ​ರಾದ ವಿಕ್ರಮ್‌, ಕಾರ್ತಿ, ಪ್ರಕಾಶ್ ರಾಜ್, ಜಯರಾಮ್ ಸೇರಿದಂತೆ ದೊಡ್ಡ ತಾರಾಗಣವಿದೆ.

  That's what I like about his direction he always bring originality instead of heavy VFX #PonniyinSelvan #Maniratnam https://t.co/OyDwYawl1R

  — Aishwarya Rai (@my_aishwarya) March 2, 2022