ತರಬೇತಿ ವಿಮಾನ ಪತನ - ಮಹಿಳಾ ಪೈಲಟ್ ಸೇರಿ ಇಬ್ಬರು ಮೃತ್ಯು

•   Sat, Feb 26 2022 02:21:20 PM



• ತೆಲಂಗಾಣ,ಫೆ 26 (DaijiworldNews/HR): ತರಬೇತಿನಿರತ ವಿಮಾನವೊಂದು ಪತನವಾಗಿ ಮಹಿಳಾ ಪೈಲಟ್​ ಮತ್ತು ತರಬೇತಿ ನಿರತ ಪೈಲಟ್​ ಇಬ್ಬರೂ ಮೃತಪಟ್ಟ ಘಟನೆ ನಲ್ಗೊಂಡ ಜಿಲ್ಲೆಯ ಪೆದ್ದಾಪುರ ಮಂಡಲದ ತುಂಗತ್ತುರಿ ಸಮೀಪ ಶನಿವಾರ ಸಂಭವಿಸಿದೆ.

  ವಿಮಾನ ಕೆಳಗೆ ಬಿದ್ದ ಶಬ್ಧಕ್ಕೆ ಸಮೀಪದಲ್ಲೇ ಕೆಲಸ ಮಾಡುತ್ತಿದ್ದ ರೈತರು ಬೆಚ್ಚಿಬಿದ್ದಿದ್ದು, ಮಿಮಾನ ಬಿದ್ದ ತಕ್ಷಣ ದಟ್ಟ ಹೊಗೆ-ಬೆಂಕಿಯ ಜ್ವಾಲೆ ಕಂಡು ಬಂದಿದೆ ಎನ್ನಲಾಗಿದೆ.

  ಕೃಷಿ ಭೂಮಿಯಲ್ಲಿನ ಹೈಟೆನ್ಶನ್ ವಿದ್ಯುತ್ ತಂತಿಗಳಿಗೆ ಹೆಲಿಕಾಪ್ಟರ್ ಸಂಪರ್ಕಕ್ಕೆ ಬಂದು ದುರಂತ ಸಂಭವಿಸಿದೆ ಎಂದು ಪೊಲೀಸರು ಶಂಕಿಸಿದ್ದಾರೆ.

  ಇನ್ನು ಈ ಘಟನೆಯಲ್ಲಿ ಸ್ಥಳದಲ್ಲೇ ಪೈಲಟ್ ಮತ್ತು ಟ್ರೈನಿ ಪೈಲಟ್ ಮೃತಪಟ್ಟಿದ್ದಾರೆ ಎಂದು ತಿಳಿದು ಬಂದಿದೆ.