ಮತ್ತೆ ಸಬಾ ಆಜಾದ್‌ರೊಂದಿಗೆ ಕಾಣಿಸಿಕೊಂಡ ಹೃತಿಕ್ ರೋಶನ್ - ಕಾಲೆಳೆದ ಅಭಿಮಾನಿಗಳು

•   Mon, Feb 21 2022 06:01:45 PM



• ಮುಂಬೈ, ಫೆ 21 (DaijiworldNews/KP): ಬಾಲಿವುಡ್ ನಟ ಹೃತಿಕ್ ರೋಶನ್ ಅವರು ಇತ್ತೀಚೆಗೆ ಪಾರ್ಟಿಯೊಂದರಲ್ಲಿ ಬಾಲಿವುಡ್‌ ನಟಿ ಸಬಾ ಆಜಾದ್‌ ಜೊತೆ ಓಡಾಡಿ ಸುದ್ದಿಯಾಗಿದ್ದರು, ಇದೀಗ ಮತ್ತೆ ಆ ನಟಿಯೊಂದಿಗೆ ಕಾಣಿಸಿಕೊಂಡಿದ್ದಾರೆ.

  ಇನ್ನು ನಟ ಹೃತಿಕ್ ರೋಶನ್ ಅವರು ಇತ್ತೀಚೆಗೆ ಸಿನಿಮಾದಲ್ಲಿ ಸಿಕ್ಕಾಪಟ್ಟೆ ಬ್ಯುಸಿ ಆಗಿದ್ದಾರೆ, ಆದರೂ ಹೃತಿಕ್ ಮುಖದಲ್ಲಿ ಹೊಸ ಕಳೆ ಬಂದಿದೆ ಎಂದು ಅನೇಕ ಅಭಿಮಾನಿಗಳು ಕಾಲೆಳೆದಿದ್ದಾರೆ.

  ಇದಕ್ಕೆಲ್ಲಾ ಕಾರಣ ನಟಿ, ಸಂಗೀತ ನಿರ್ದೇಶಕಿ ಸಬಾ ಆಜಾದ್ ಎಂದು ಬಾಲಿವುಡ್ ಅಂಗಳದಲ್ಲಿ ಚರ್ಚೆ ನಡೆಯುತ್ತಿರುವ ಬೆನ್ನಲೆ ಇದೀಗ ಹೃತಿಕ್ ಜೊತೆ ಮತ್ತೆ ಸಬಾ ಕಾಣಿಸಿಕೊಂಡಿದ್ದಾರೆ.

  ಇನ್ನು ಶಿವಾನಿ ದಾಂಡೇಕರ್ ಮದುವೆ ಪ್ರಯುಕ್ತ ತಮ್ಮ ಕುಟುಂಬದೊಂದಿಗೆ ಪಾರ್ಟಿ ಮಾಡಲು ರೋಶನ್ ಕುಟುಂಬ ಕಳೆದ ವೀಕೆಂಡ್‌ನಲ್ಲಿ ಸೇರಿತ್ತು. ಈ ವೇಳೆ ಸಂಗೀತ ನಿರ್ದೇಶಕ ಹಾಗೂ ಹೃತಿಕ್ ಚಿಕ್ಕಪ್ಪ ರಾಜೇಶ್ ರೋಶನ್ ಅವರು ಪಾರ್ಟಿ ಆಯೋಜಿಸಿದ್ದರು. ಪಾರ್ಟಿಯಲ್ಲಿ ಹೃತಿಕ್ ತಂದೆ ರಾಕೇಶ್ ರೋಶನ್, ತಾಯಿ ಪಿಂಕಿ ರೋಶನ್ ಸೇರಿದಂತೆ ಅನೇಕ ಸ್ನೇಹಿತರು ಹಾಜರಿದ್ದರು.

  ಈ ಪಾರ್ಟಿಯ ಫೋಟೊ ಒಂದನ್ನು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ರಾಜೇಶ್ ರೋಶನ್, 'ಸಂತೋಷ ಎಂದರೆ ಕುಟುಂಬದ ಜೊತೆ ಕಾಲ ಕಳೆಯುವುದು, ಅದರಲ್ಲೂ ವೀಕೆಂಡ್‌ನಲ್ಲಿ' ಎಂದು ಬರೆದುಕೊಂಡಿದ್ದರು.

  ರಾಜೇಶ್ ಪೋಸ್ಟ್‌ಗೆ ಕಮೆಂಟ್ ಮಾಡಿರುವ ಸಬಾ, 'ಇದು ನಾನು ಕಳೆದ ಅತ್ಯುತ್ತಮ ಭಾನುವಾರ' ಎಂದು ಹೇಳಿದ್ದಾರೆ. ಹೃತಿಕ್ ಕೂಡ ಕಮೆಂಟ್ ಮಾಡಿದ್ದು, 'ನೀವು ಹೇಳಿದ್ದು ನಿಜ ಚಿಕ್ಕಪ್ಪ' ಎಂದಿದ್ದಾರೆ.

  ಈ ಫೋಟೊದಲ್ಲಿ ಸಬಾ ಆಜಾದ್ ಹಾಗೂ ಹೃತಿಕ್ ಮಧ್ಯೆ ಏನೋ ನಡೆಯುತ್ತಿರುವುದು ಖಚಿತವಾಗಿದೆ ಎಂದು ಅನೇಕ ನೆಟ್ಟಿಗರು ಹೇಳಿತ್ತಿದ್ದಾರೆ.

  ಈ ಫೋಟೊ ನೋಡಿದ ನೆಟ್ಟಿಗರ ಬಾಲಿವುಡ್ ಮೋಸ್ಟ್ ಹ್ಯಾಂಡ್ಸಮ್ ನಟ ಹೃತಿಕ್ ಅವರು ತಮ್ಮ ಜೀವನದ ಹೊಸ ಇನ್ನಿಂಗ್ಸ್ ಪ್ರಾರಂಭಿಸಲು ಬಹಳ ತಯಾರಿ ನಡೆಸಿದ್ದಾರೆ ಎನ್ನುತ್ತಿದ್ದಾರೆ.

  color: #F4F4F4; border-radius: 50%; flex-grow: 0; height: 40px; margin-right: 14px; width: 40px;">