ಬಿಗ್ ಬಾಸ್ ಬಳಿಕ ನಿಶ್ಚಿತಾರ್ಥಕ್ಕೆ ಸಜ್ಜಾಗಿದ್ದಾರ ಶಮಿತಾ ಶೆಟ್ಟಿ?

•   Sun, Jan 30 2022 06:03:58 PM



• ಮುಂಬೈ, ಜ.30 (DaijiworldNews/KP): ಹಿಂದಿ ಬಿಗ್ ಬಾಸ್ ಶೋ ಕೊನೆಯ ಹಂತ ತಲುಪಿದ್ದು, ಇಂದು ಫಿನಾಲೆ ವೇದಿಕೆ ಸಜ್ಜಾಗಿದೆ. 'ಬಿಗ್​ ಬಾಸ್​ ಒಟಿಟಿ' ಮೂಲಕ ಹೆಸರು ಮಾಡಿದ ಶಿಲ್ಪಾ ಶೆಟ್ಟಿ ಸಹೋದರಿ ಶಮಿತಾ ಶೆಟ್ಟಿ ಮತ್ತ ಸಹ ಸ್ಪರ್ದಿ ರಾಕೇಶ್​ ಬಾಪಟ್‌ರ ನಿಶ್ಚಿತಾರ್ಥವು ಬಿಗ್​ ಬಾಸ್ ಮುಗಿದ ಕೂಡಲೇ ನೆರವೇರುವ ಸಾಧ್ಯತೆ ಇದೆ ಎಂಬ ಮಾತುಗಳು ಕೇಳಿ ಬರುತ್ತಿವೆ.

  ಶಮಿತಾ ಹಾಗೂ ರಾಕೇಶ್​ 'ಬಿಗ್​ ಬಾಸ್​ ಒಟಿಟಿ'ಯಲ್ಲಿ ಪರಿಚಯವಾಗಿ ಇಬ್ಬರ ಗೆಳೆತನ ಶೋ ಮುಗಿಯುವುದರೊಳಗೆ ಪ್ರೀತಿಗೆ ತಿರುಗಿತ್ತು, ಇವರಿಬ್ಬರೂ ಶೋ ಪೂರ್ಣಗೊಂಡ ಬಳಿಕವೂ ಒಟ್ಟಾಗಿ ಕಾಣಿಸಿಕೊಂಡರು. ನಂತರ ಬಿಗ್​ ಬಾಸ್​ 15ನೇ ಸೀಸನ್​ಗೆ ಶಮಿತಾ ಮೊದಲು ಮನೆ ಒಳಗೆ ಬಂದಿದ್ದು, ವೈಲ್ಡ್​ ಕಾರ್ಡ್​ ಮೂಲಕ ರಾಕೇಶ್​ ಬಂದಿದ್ದರು. ಆದರೆ ಅನಾರೋಗ್ಯ ಕಾರಣದಿಂದ ಅವರು ಹೊರ ನಡೆದಿದ್ದರು. ಇನ್ನು ಶಮಿತಾ ಈ ಬಾರಿ ಪ್ರಬಲ ಸ್ಪರ್ಧಿ ಎನಿಸಿಕೊಂಡಿದ್ದಾರೆ, ರೇಸ್​ನಲ್ಲಿ ಐದು ಜನ ಇದ್ದು ಶಮಿತಾ ಗೆಲ್ಲುವ ಚಾನ್ಸ್​ ಹೆಚ್ಚಿದೆ ಎನ್ನುವ ಅಭಿಪ್ರಾಯವನ್ನು ವೀಕ್ಷಕರ ಮತ್ತು ಅಭಿಮಾನಿ ವಲಯಗಳಲ್ಲಿ ಕೇಳಿ ಬಂದಿದೆ.

  ಫಿನಾಲೆ ನೋಡಲು ರಾಕೇಶ್​ ಮತ್ತು ಶಮಿತಾ ಶೆಟ್ಟಿ ತಾಯಿ ಸುನಂದಾ ಶೆಟ್ಟಿ ಶೋಗೆ ಆಗಮಿಸಿದ್ದು, ಈ ವೇಳೆ ಮಾತನಾಡಿದ ರಾಕೇಶ್​, ಶಮಿತಾ ನಿನ್ನನ್ನು ಇವರೆಲ್ಲ ಕೇವಲ ಪ್ರೀತಿಸುತ್ತಾರೆ. ಆದರೆ ನಾನು ಹೆಚ್ಚು ಪ್ರೀತಿಸುತ್ತೇನೆ. ಈಗ ನಿಮ್ಮ ತಾಯಿ ನನಗೆ ಉತ್ತಮ ಸ್ನೇಹಿತರಾಗಿದ್ದಾರೆ. ಇನ್ನು ನೀವು ಎಲ್ಲರನ್ನೂ ಅಚ್ಚರಿ ಮುಡಿಸಿ ಫೈನಲ್‌ ಪ್ರವೇಶ ಮಾಡಿರುವಿರಿ ನಿಮಗೆ ಹ್ಯಾಟ್ಸ್ ಆಫ್. ನಾನು ನಿನ್ನನ್ನು ತುಂಬಾ ಮಿಸ್​ ಮಾಡಿಕೊಳ್ಳುತ್ತಿದ್ದೇನೆ ಎಂದರು.

  ರಾಕೇಶ್ ಮಾತಿಗೆ ಪ್ರತಿಕ್ರಿಯೆ ನೀಡಿದ ಸಲ್ಮಾನ್​ ಖಾನ್​ ನಗೆ ಚಟಾಕಿ ಹಾರಿಸಿ, ತಾಯಿ ಎದುರು ಈ ರೀತಿ ಮಾತನಾಡಬಾರದು ರಾಕೇಶ್​. ನಿಮ್ಮ ಕಿಡ್ನಿಯಲ್ಲಿದ್ದ ಕಲ್ಲನ್ನು ಇತ್ತೀಚೆಗಷ್ಟೇ ತೆಗೆಯಲಾಗಿದೆ ಎಂದರು. ರಾಕೇಶ್​ಗೆ ಕಿಡ್ನ ಸ್ಟೋನ್​ ಆಗಿತ್ತು. ಈ ಕಾರಣಕ್ಕೆ ಅವರು ಶಸ್ತ್ರ ಚಿಕಿತ್ಸೆಗೆ ಒಳಗಾಗಬೇಕಿತ್ತು. ಹೀಗಾಗಿ, ಅವರು ಬಿಗ್​ಬಾಸ್​ ಮನೆಯಿಂದ ಅರ್ಧಕ್ಕೆ ಹೊರ ನಡೆದಿದ್ದರು. ಇಬ್ಬರೂ ಶೀಘ್ರವೇ ಎಂಗೇಜ್​ಮೆಂಟ್​ ಮಾಡಿಕೊಳ್ಳಲಿದ್ದಾರೆ ಎಂಬ ಗಾಸಿಪ್‌ ಕೇಳಿಬರುತ್ತಿವೆ.