ನಿಯೊಕೋವ್ ಅಪಾಯದ ಕುರಿತು ಮತ್ತಷ್ಟು ಅಧ್ಯಯನ - ವಿಶ್ವ ಆರೋಗ್ಯ ಸಂಸ್ಥೆ

•   Sat, Jan 29 2022 11:39:20 AM



• ಜಿನೀವಾ, ಜ.29 (DaijiworldNews/KP): ದಕ್ಷಿಣ ಆಫ್ರಿಕಾದ ಬಾವಲಿಗಳಲ್ಲಿ ’ನಿಯೊಕೋವ್’ ಎಂಬ ಹೊಸ ಕೊರೊನಾ ವೈರಸ್‌ ಅನ್ನು ವುಹಾನ್ ವಿಶ್ವವಿದ್ಯಾನಿಲಯ ಮತ್ತು ಚೈನೀಸ್ ಅಕಾಡೆಮಿ ಆಫ್ ಸೈನ್ಸಸ್‌ನ ಇನ್‌ಸ್ಟಿಟ್ಯೂಟ್ ಆಫ್ ಬಯೋಫಿಸಿಕ್ಸ್‌ನ ವಿಜ್ಞಾನಿಗಳು ಪತ್ತೆ ಹಚ್ಚಿದ್ದಾರೆ.

  ಇದು ರೂಪಾಂತರಗೊಳ್ಳುವ ಸಾಮರ್ಥ್ಯವನ್ನು ಹೊಂದಿದೆ ಎಂದು ಸಂಶೋಧಕರು ಹೇಳಿಕೆ ನೀಡಿದ್ದರೂ ಕೂಡ ಆದರ ಅಪಾಯದ ಸಾಮರ್ಥ್ಯವನ್ನು ಮತ್ತುಷ್ಟು ಅಧ್ಯಯನದ ಮೂಲಕ ತಿಳಿಯಲಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಅಭಿಪ್ರಾಯಪಟ್ಟಿದೆ.

  ಚೀನಿ ವಿಜ್ಞಾನಿಗಳ ಪ್ರಕಾರ ನಿಯೊಕೋವ್ ಮತ್ತು ಅದರ ನಿಕಟ ಸಂಬಂಧಿಯಾದ PDF-2180-CoV ದೇಹವನ್ನು ಪ್ರವೇಶಿಸಲು ಕೆಲವು ರೀತಿಯ ಬ್ಯಾಟ್ ಆಂಜಿಯೋಟೆನ್ಸಿನ್-ಪರಿವರ್ತಿಸುವ ಕಿಣ್ವ2 (ACE2) ಮತ್ತು ಮಾನವ ACE2 ಅನ್ನು ಬಳಸುವ ಸಾಮರ್ಥ್ಯವನ್ನು ಹೊಂದಿದೆ ಎಂದು ಅಧ್ಯಯನವು ಕಂಡುಹಿಡಿದಿದೆ. ಕೊರೊನಾ ವೈರಸ್ ರೂಪಾಂತರವು ಮಾನವನ ಜೀವಕೋಶಗಳಿಗೆ ಹರಡಲು ಕಾರಣವಾಗಬಹುದು ಎಂದು ಸಂಶೋಧಕರು ಎಚ್ಚರಿಕೆ ನೀಡಿದ್ದಾರೆ.

  ಮಿಡಲ್ ಈಸ್ಟ್ ರೆಸ್ಪಿರೇಟರಿ ಸಿಂಡ್ರೋಮ್ ಎಂಬ ಉಸಿರಾಟದ ತೊಂದರೆ ಕಾಯಿಲೆ ಕಾರಣವಾಗುವ ಗುಣಲಕ್ಷಣಗಳನ್ನು ಈ ವೈರಸ್ ಹೊಂದಿದೆ.

  ಹೊಸ ಅಧ್ಯಯನವನ್ನು ಇನ್ನೂ ಪೀರ್-ರಿವ್ಯೂ ಮಾಡಲಾಗಿಲ್ಲ. ಹೊಸ ಅಧ್ಯಯನದ ಸಂಶೋಧನೆಗಳಿಗೆ ಪ್ರತಿಕ್ರಿಯಿಸಿದ ವೆಕ್ಟರ್ ರಷ್ಯನ್ ಸ್ಟೇಟ್ ರಿಸರ್ಚ್ ಸೆಂಟರ್ ಆಫ್ ವೈರಾಲಜಿ ಮತ್ತು ಬಯೋಟೆಕ್ನಾಲಜಿಯ ರಷ್ಯಾದ ಸಂಶೋಧಕರು ಕೂಡ ನಿಯೋಕೋವ್ ಕೊರೊನಾವೈರಸ್ ಕುರಿತು ಚೀನಾದ ಸಂಶೋಧನೆಯ ಬಗ್ಗೆ ಮಾಹಿತಿ ಪಡೆದಿದ್ದಾರೆ.

  ಇನ್ನು ಮನುಷ್ಯರಲ್ಲಿ ಕಂಡುಬರುತ್ತಿರುವ ಶೇ 75ಕ್ಕಿಂತ ಹೆಚ್ಚು ಸಾಂಕ್ರಾಮಿಕ ರೋಗಗಳ ಮೂಲವು ಕಾಡು ಪ್ರಾಣಿಗಳಾಗಿರುವುದು ಆತಂಕ ಸೃಷ್ಟಿಸಿದೆ.