ದೇಶದಲ್ಲಿಂದು 2.71 ಲಕ್ಷ ಜನರಿಗೆ ಕೊರೊನಾ ದೃಢ, 314 ಮಂದಿ ಸೋಂಕಿಗೆ ಬಲಿ

•   Sun, Jan 16 2022 10:24:21 AM



• ನವದೆಹಲಿ, 16 (DaijiworldNews/HR): ಭಾರತದಲ್ಲಿ ಕೊರೊನಾ ಪ್ರಕರಣಗಳು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದ್ದು, ಕಳೆದ 24 ಗಂಟೆಗಳಲ್ಲಿ 2,71,202 ಹೊಸ ಕೋವಿಡ್ ಸೋಂಕುಗಳು ಪತ್ತೆಯಾಗಿದ್ದು, ಸೋಂಕಿತರ ಸಂಖ್ಯೆ 37,122,164 ಕ್ಕೆ ಏರಿಕೆಯಾಗಿದೆ.

  ಕೇಂದ್ರ ಆರೋಗ್ಯ ಸಚಿವಾಲಯದ ಮಾಹಿತಿ ಪ್ರಕಾರ, ಕಳೆದ 24 ಗಂಟೆಗಳಲ್ಲಿ 2,71,202 ಹೊಸ ಕೋವಿಡ್ ಸೋಂಕುಗಳು ಪತ್ತೆಯಾಗಿದ್ದು, ಸೋಂಕಿನಿಂದ ಇಂದು 314 ಮಂದಿ ಸಾವನ್ನಪ್ಪಿದ್ದು, ಸೋಂಕಿಗೆ ಬಲಿಯಾದವರ ಸಂಖ್ಯೆ 4,86,066ಕ್ಕೆ ಏರಿಕೆಯಾಗಿದೆ.

  ಇನ್ನು ಸಕ್ರಿಯ ಪ್ರಕರಣಗಳು 15,50,377 ಕ್ಕೆ ಹೆಚ್ಚಿದ್ದು, ಒಟ್ಟು ಸೋಂಕುಗಳಲ್ಲಿ 4.18% ಅನ್ನು ಒಳಗೊಂಡಿವೆ. ರಾಷ್ಟ್ರೀಯ ಕೋವಿಡ್-19 ಚೇತರಿಕೆ ದರ ಶೇ.94.51ಕ್ಕೆ ಇಳಿಕೆಯಾಗಿದೆ ಎಂದು ಆರೋಗ್ಯ ಸಚಿವಾಲಯ ತಿಳಿಸಿದೆ.

  ದೇಶದಲ್ಲಿ ಸಕ್ರಿಯ ಕೇಸ್ 1,32,557 ರಷ್ಟು ಹೆಚ್ಚಾಗಿದ್ದು, ಕೊರೊನಾ ವೈರಸ್ ಸೋಂಕಿನಿಂದ ಈವರೆಗೆ ಚೇತರಿಸಿಕೊಂಡ ಒಟ್ಟು ಸೋಕಿತರ ಸಂಖ್ಯೆ 3,50,85,721ಕ್ಕೆ ಏರಿದೆ.