ವಿವಾಹವಾಗಲು ನಿರ್ಧರಿಸಿದ್ದ ಸುಶ್ಮಿತಾ ಸೇನ್ ಬ್ರೇಕಪ್‌ ಮಾಡಿಕೊಂಡಿದ್ದೇಕೆ?

•   Sat, Jan 08 2022 04:37:30 PM



• ಮುಂಬೈ ಜ.08 (DaijiworldNews/AN): ಬಾಲಿವುಡ್‌ನ ಜನಪ್ರಿಯ ನಟಿ ಸುಶ್ಮಿತಾ ಸೇನ್ ಪ್ರಿಯಕರ ರೋಹ್ಮನ್ ಶಾಲ್‌ನೊಂದಿಗೆ ಬ್ರೇಕಪ್‌ ಮಾಡಿಕೊಂಡಿರುವ ವಿಚಾರವನ್ನು ಖಚಿತಪಡಿಸಿದ್ದಾರೆ. 

  

  ಕಳೆದ ತಿಂಗಳು ಸುಶ್ಮಿತಾ ಸೇನ್ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದು, ಈ ಸಂದರ್ಭದಲ್ಲಿ ರೋಹ್ಮನ್ ಶಾಲ್‌ನೊಂದಿಗಿನ ಚಿತ್ರವನ್ನು ಹಂಚಿಕೊಂಡಿದ್ದರು.

  ಇತ್ತೀಚೆಗೆ ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಸುದ್ದಿ ಹಂಚಿಕೊಂಡ ಸುಶ್ಮಿತಾ, ಈ ಸಂಬಂಧ ಮುಗಿದುಹೋಗಿದೆ. ಸ್ನೇಹಿತರಾಗಿ ಪಯಣ ಆರಂಭಿಸಿದ್ದೇವೆ. ಇನ್ನೂ ನಾವು ಸ್ನೇಹಿತರು ಮಾತ್ರ. ಪ್ರೀತಿ ಸದಾ ಇರುತ್ತದೆ ಎಂದು ಬರೆದುಕೊಂಡಿದ್ದರು.

  ಇನ್‌ಸ್ಟಾಗ್ರಾಂ ಲೈವ್‌ ಚಾಟ್‌ನಲ್ಲಿ ಮಾತನಾಡಿದ್ದ ಅವರು, ಗೌರವ ಎಂದರೆ ನನಗೆ ಸರ್ವಸ್ವ. ಸದನ್ನು ನಾನು ಪ್ರೀತಿಗಿಂತ ಉನ್ನತ ಮಟ್ಟದಲ್ಲಿಟ್ಟಿದ್ದೇನೆ. ಎಲ್ಲಿ ಗೌರವವಿರುವುದಿಲ್ಲವೋ ಅಲ್ಲಿ ಪ್ರೀತಿಗೆ ಅರ್ಥವಿಲ್ಲ ಎಂದಿದ್ದರು. 

  ಪ್ರೀತಿ ಬರುತ್ತದೆ ಹೋಗುತ್ತದೆ. ಆದರೆ, ಗೌರವವಿದ್ದರೆ, ಪ್ರೀತಿಯು ತನ್ನನ್ನು ತಾನು ವ್ಯಕ್ತಪಡಿಸಲು ಎರಡನೇ ಅವಕಾಶವನ್ನು ಹುಡುಕಿಕೊಂಡು ಬರುತ್ತದೆ. ನನಗೆ ಗೌರವ ತುಂಬಾ ಮುಖ್ಯ ಎಂದು ಹೇಳಿದ್ದರು.

  ಬ್ರೇಕ್ ಅಪ್ ಸುದ್ದಿಗೆ ಪ್ರತಿಕ್ರಿಯಿಸಿದ ಅಭಿಮಾನಿಗಳು ಮುದ್ದಾಗಿದ್ದ ಜೋಡಿ ಈ ತರಹದ ನಿರ್ಧಾರ ತೆಗೆದುಕೊಂಡಿರುವುದು ದುಃಖವಾಗಿದೆ, ಆದರೆ ಈ ನಿರ್ಧಾರದಿಂದ ನೀವಿಬ್ಬರೂ ಸಂತೋಷವಾಗಿದ್ದರೆ ನಮಗೂ ಸಂತೋಷ ಎಂದು ಹೇಳಿದ್ದಾರೆ.