ನೊಬೆಲ್ ಶಾಂತಿ ಪ್ರಶಸ್ತಿ ಪುರಸ್ಕೃತ ಡೆಸ್ಮಂಡ್ ಟುಟು ನಿಧನ

•   Sun, Dec 26 2021 01:57:29 PM



• ದಕ್ಷಿಣ ಆಫ್ರಿಕಾ, ಡಿ. 26 (DaijiwoldNews/HR): ದಕ್ಷಿಣ ಆಫ್ರಿಕಾದ ವರ್ಣಭೇದ ನೀತಿ ವಿರೋಧಿ ಐಕಾನ್, ನೊಬೆಲ್ ಶಾಂತಿ ಪ್ರಶಸ್ತಿ ಪುರಸ್ಕೃತ, ದ.ಆಫ್ರೀಕಾದ ನೈತಿಕ ದಿಕ್ಸೂಚಿ ಎಂದು ಕರೆಯಲ್ಪಡುವ ಆರ್ಚ್ ಬಿಷಪ್ ಡೆಸ್ಮಂಡ್ ಟುಟು(90) ಅವರು ಕೇಪ್ ಟೌನ್‌ನಲ್ಲಿ ನಿಧನರಾಗಿದ್ದಾರೆ.

  1984 ರಲ್ಲಿ ದೇಶದಲ್ಲಿ ಬಿಳಿ ಅಲ್ಪಸಂಖ್ಯಾತರ ಆಳ್ವಿಕೆಯನ್ನು ಎದುರಿಸಿದ್ದಕ್ಕಾಗಿ ಆರ್ಚ್ ಬಿಷಪ್ ಡೆಸ್ಮಂಡ್ ಟುಟು ಅವರು ನೊಬೆಲ್ ಶಾಂತಿ ಪ್ರಶಸ್ತಿ ಪಡೆದಿದ್ದಾರೆ.

  ಇನ್ನು ಟುಟು ಅವರು ಜನಾಂಗೀಯ ವರ್ಣಭೇದ ನೀತಿಯ ಅಂತ್ಯವಾದ ಬಳಿಕವೂ ಬಹಿರಂಗವಾಗಿ, ದಕ್ಷಿಣ ಆಫ್ರಿಕಾದ ನ್ಯೂನತೆಗಳು ಅಥವಾ ಅನ್ಯಾಯಗಳನ್ನು ಎದುರಿಸುವುದರಿಂದ ಎಂದಿಗೂ ದೂರ ಸರಿಯಲಿಲ್ಲ.