'ಲಸಿಕೆ ಹಾಕಿಸಿಕೊಳ್ಳುವ ಮೂಲಕ ಒಮೈಕ್ರಾನ್‌‌ ಸೋಂಕಿನಿಂದ ರಕ್ಷಣೆ ಪಡೆಯಲು ಸಾಧ್ಯ' - ಜೊ ಬಿಡೆನ್‌‌

•   Fri, Dec 17 2021 11:00:57 AM



• ವಾಷಿಂಗ್ಟನ್, ಡಿ.17 (Daijiworld/PY): "ಕೊರೊನಾ ಲಸಿಕೆ ಹಾಕಿಸಿಕೊಳ್ಳುವ ಮೂಲಕ ಒಮೈಕ್ರಾನ್‌‌ ಸೋಂಕಿನಿಂದ ರಕ್ಷಣೆ ಪಡೆಯಲು ಸಾಧ್ಯ" ಎಂದು ಅಮೇರಿಕಾ ಅಧ್ಯಕ್ಷ ಜೊ ಬಿಡೆನ್‌‌ ಹೇಳಿದ್ದಾರೆ.

  "ಅಮೇರಿಕಾದಲ್ಲಿ ಒಮೈಕ್ರಾನ್‌‌ ಪ್ರಕರಣ ಹೆಚ್ಚುತ್ತಿರುವುದು ಆತಂಕಕ್ಕೆ ಕಾರಣವಾಗಿದೆ. ಈ ನಿಟ್ಟಿನಲ್ಲಿ ಅರ್ಹತೆಯುಳ್ಳ ಎಲ್ಲರೂ ಕೊರೊನಾ ಲಸಿಕೆ ಹಾಕಿಸಿಕೊಳ್ಳಬೇಕು" ಎಂದು ಮನವಿ ಮಾಡಿದ್ದಾರೆ.

  ಈ ಬಗ್ಗೆ ಟ್ವೀಟ್‌ ಮಾಡಿರುವ ಅವರು, "ಕೊರೊನಾಗೆ ಲಸಿಕೆ ಹಾಕಿಸಿಕೊಳ್ಳುವ ಮೂಲಕ ಒಮೈಕ್ರಾನ್‌‌ ವಿರುದ್ದ ರಕ್ಷಣೆ ಪಡೆಯಬಹುದಾಗಿದೆ. ಈವರೆಗೆ ನೀವು ಲಸಿಕೆ ಹಾಕಿಸಿಕೊಳ್ಳದಿದ್ದಲ್ಲಿ ಈಗ ಲಸಿಕೆ ಹಾಕಿಸಿಕೊಳ್ಳುವ ಸಮಯ ಬಂದಿದೆ. ನೀವು 16 ವರ್ಷಕ್ಕಿಂತ ಮೇಲ್ಪಟ್ಟವರಾಗಿದ್ದರೆ ಹಾಗೂ ಕನಿಷ್ಠ 6 ತಿಂಗಳ ಹಿಂದೆ ಲಸಿಕೆಯನ್ನು ಪಡೆದಿದ್ದರೆ, ಬೂಸ್ಟರ್‌ ಲಸಿಕೆ ಹಾಕಿಸಿಕೊಳ್ಳಿ. ನಿಮ್ಮ ಹತ್ತಿರದ ಕ್ಲಿನಿಕ್ ಅನ್ನು ಹುಡುಕಲು http://Vaccines.gov ವೆಬ್‌‌ಸೈಟ್‌ಗೆ ಭೇಟಿ ಕೊಡಿ" ಎಂದಿದ್ದಾರೆ.

  "ಕೊರೊನಾ ಲಸಿಕೆ ಹಾಕಿಸಿಕೊಳ್ಳದವರಿಂದಾಗಿ ಒಮೈಕ್ರಾನ್‌‌ ಸೋಂಕು ತೀವ್ರವಾಗಿ ವ್ಯಾಪಿಸುವ ಸಾಧ್ಯತೆ ಇದೆ. ಚಳಿಗಾಲದಲ್ಲಿ ತೀವ್ರ ಅನಾರೋಗ್ಯ ಹಾಗೂ ಸಾವು ಸಂಭವಿಸುವ ಸಾಧ್ಯತೆ ಇದೆ" ಎಂದು ತಿಳಿಸಿದ್ದಾರೆ.

  The best protection against Omicron is getting fully vaccinated. If you haven’t gotten the shot yet, now is the time. If you’re over 16 and got vaccinated at least 6 months ago, go get your booster. Head to https://t.co/jlrmakxHWm to find a clinic near you.

  — President Biden (@POTUS) December 16, 2021