ಇನ್ಮುಂದೆ 48 ಗಂಟೆಗಳಲ್ಲಿ ಸಿಗಲಿದೆ ಪಾಸ್‌ಪೋರ್ಟ್‌

•   Mon, Nov 26 2018 12:57:58 PM



• ವಾಷಿಂಗ್ಟನ್‌, ನ26(SS): ಕೇವಲ 48 ಗಂಟೆಗಳಲ್ಲಿ ವಿಶ್ವದ ಯಾವುದೇ ದೇಶದಲ್ಲಿರುವ ಭಾರತೀಯ ರಾಯಭಾರ ಕಚೇರಿಗಳು ಪಾಸ್‌ಪೋರ್ಟ್‌ ನೀಡಲಿವೆ ಎಂದು ಕೇಂದ್ರ ವಿದೇಶಾಂಗ ವ್ಯವಹಾರಗಳ ರಾಜ್ಯ ಸಚಿವ ವಿ.ಕೆ.ಸಿಂಗ್‌ ಹೇಳಿದ್ದಾರೆ. 

  

  ಇಲ್ಲಿನ ಭಾರತೀಯ ರಾಯಭಾರ ಕಚೇರಿಯಲ್ಲಿ 'ಪಾಸ್‌ಪೋರ್ಟ್‌ ಸೇವಾ' ಯೋಜನೆ ಉದ್ಘಾಟಿಸಿ ಮಾತನಾಡಿದ ಅವರು, ಭಾರತೀಯ ರಾಯಭಾರ ಕಚೇರಿಗಳು ದೇಶದ ಅಂಕಿಅಂಶ ಕೇಂದ್ರಗಳ ಜೊತೆ ಡಿಜಿಟಲ್‌ ಸಂಪರ್ಕ ಹೊಂದಿವೆ. ಈ ಮೂಲಕ ತ್ವರಿತ ಪಾಸ್‌ಪೋರ್ಟ್‌ ವಿತರಣೆ ಸಾಧ್ಯವಾಗಲಿದೆ' ಎಂದರು.

  ಸದ್ಯಕ್ಕೆ ನ್ಯೂಯಾರ್ಕ್‌ನಲ್ಲಿನ ಭಾರತೀಯ ರಾಯಭಾರ ಕಚೇರಿಯಲ್ಲಿ ಸೇವೆ ಲಭ್ಯವಿದ್ದು, ವಿಶ್ವಾದ್ಯಂತ ಎಲ್ಲ ದೇಶಗಳಿಗೂ ವಿಸ್ತರಿಸುವುದಾಗಿ ಸಿಂಗ್‌ ಹೇಳಿದ್ದಾರೆ.