ಓಮ್ರಿಕಾನ್‌‌ ನಡುವೆಯೂ ದಕ್ಷಿಣ ಆಫ್ರಿಕಾ ಪ್ರವಾಸ ಕೈಗೊಳ್ಳಲಿರುವ ಟೀಂ ಇಂಡಿಯಾ

•   Sat, Dec 04 2021 06:38:10 PM



• ಕೇಪ್‌ ಟೌನ್, ಡಿ.04 (DaijiworldNews/PY): ಓಮ್ರಿಕಾನ್‌ ಭೀತಿ ನಡುವೆ ಟೀಂ ಇಂಡಿಯಾ ದಕ್ಷಿಣ ಆಫ್ರಿಕಾ ಪ್ರವಾಸ ಕೈಗೊಳ್ಳುವುದು ಖಚಿತವಾಗಿದೆ.

  ಈ ಬಗ್ಗೆ ದಕ್ಷಿಣ ಆಫ್ರಿಕಾ ಕ್ರಿಕೆಟ್‌ ಸಂಸ್ಥೆ ಮಾಹಿತಿ ನೀಡಿದ್ದು, ದಕ್ಷಿಣ ಆಫ್ರಿಕಾಕ್ಕೆ ಭಾರತ ತಂಡವು ತಡವಾಗಿ ಬರಲಿದ್ದು, ಮೂರು ಟೆಸ್ಟ್‌ ಹಾಗೂ ಮೂರು ಏಕದಿನ ಕ್ರಿಕೆಟ್‌‌ ಪಂದ್ಯಗಳನ್ನು ಆಡಲಿದೆ. 20-20 ಪಂದ್ಯಗಳನ್ನು ಮುಂದೂಡಲಾಗಿದೆ. ವೇಳಾಪಟ್ಟಿಯನ್ನು ಜನವರಿಯಲ್ಲಿ ಸಿದ್ದಪಡಿಸಲಾಗುವುದು ಎಂದು ಹೇಳಿದೆ.

  ಡಿಸೆಂಬರ್ 17ರಿಂದ ಭಾರತ ಹಾಗೂ ದಕ್ಷಿಣ ಆಫ್ರಿಕಾ ನಡುವಿನ ಮೊದಲ ಟೆಸ್ಟ್‌ ಪ್ರಾರಂಭವಾಗಲಿದೆ ಎಂದು ಈ ಹಿಂದೆ ಹೇಳಲಾಗಿತ್ತು. ಆದರೆ, ಭಾರತ ತಂಡ ಒಂದು ವಾರವಾಗಿ ತಡವಾಗಿ ಆಗಮಿಸುವ ಕಾರಣ ಪಂದ್ಯಗಳು ಜನವರಿಯಿಂದ ನಡೆಯಲಿವೆ ಎಂದಿದೆ.

  ಮುಂದಿನ 48 ಗಂಟೆ ಒಳಗೆ ಮೂರು ಟೆಸ್ಟ್ ಪಂದ್ಯಗಳನ್ನು ಆಯೋಜಿಸುವ ಸ್ಥಳವನ್ನು ತೀರ್ಮಾನಿಸಲಾಗುವುದು ಎಂದು ಸಿಎಸ್‌ಎ ವಕ್ತಾರರು ಸುದ್ದಿಸಂಸ್ಥೆಯೊಂದಕ್ಕೆ ಮಾಹಿತಿ ನೀಡಿದ್ದಾರೆ.