ಮಂಗಳೂರು: ಸಿಟಿ ಗ್ಯಾಸ್ ಗೆ ನ.22 ರಂದು ಪ್ರಧಾನಿ ಶಂಕುಸ್ಥಾಪನೆ - ನೇರಪ್ರಸಾರ

•   Wed, Nov 21 2018 09:50:49 AM



• ಮಂಗಳೂರು, ನ 21(MSP): ಮಂಗಳೂರು ನಗರದ ಪ್ರತಿಯೊಂದು ಮನೆಗೆ ಅಡುಗೆ ಅನಿಲ ಸರಬರಾಜು ಮಾಡುವ ವಿನೂತನ ಯೋಜನೆ ’ಸಿಟಿ ಗ್ಯಾಸ್ ಗೆ ಪ್ರಧಾನಿ ನರೇಂದ್ರ ಮೋದಿ ಅವರು ನ.22 ರಂದು ಶಂಕುಸ್ಥಾಪನೆ ನೆರವೇರಿಸಲಿದ್ದಾರೆ.

  

  ಗೇಲ್ ಗ್ಯಾಸ್ ಲಿ. ವತಿಯಿಂದ ದೇಶದ 129 ಜಿಲ್ಲೆಗಳಲ್ಲ್ಲಿ ಅನುಷ್ಠಾನಗೊಳ್ಳಲಿರುವ ’ಸಿಟಿ ಗ್ಯಾಸ್ ’ ಅಡುಗೆ ಅನಿಲ ಪೂರೈಕೆ ಯೋಜನೆಗೆ ಪ್ರಧಾನಿ ಮೋದಿ ಅವರು ನವದೆಹಲಿಯ ವಿಜ್ಞಾನ ಭವನದಲ್ಲಿ ಗುರುವಾರ ಸಂಜೆ 4 ಗಂಟೆಗೆ ಶಂಕುಸ್ಥಾಪನೆ ನೆರವೇರಿಸಲಿದ್ದಾರೆ.

  ಈ ಸಂಬಂಧ ಮಂಗಳೂರು ಪುರಭವನಲ್ಲಿ ನಡೆಯುವ ಸಭಾ ಕಾರ್ಯಕ್ರಮದಲ್ಲಿ ಕೇಂದ್ರ ಪೆಟ್ರೋಲಿಯಂ ಸಚಿವ ಧರ್ಮೇಂದ್ರ ಪ್ರದಾನ್, ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವ ಡಾ. ಹರ್ಷವರ್ಧನ, ಅಂಕಿಅಂಶ ಮತ್ತು ಅನುಷ್ಠಾನ ಸಚಿವ ಡಿ.ವಿ ಸದಾನಂದ ಗೌಡ, ಸಂಸದ ನಳಿನ್ ಕುಮಾರ್ ಕಟೀಲ್ ಭಾಗವಹಿಸಲಿದ್ದಾರೆ. ಉಡುಪಿ ಬೀಡಿನಗುಡ್ದೆ ಬಯಲು ರಂಗಮಂದಿರದಲ್ಲಿ ಮಧ್ಯಾಹ್ನ  ನೇರಪ್ರಸಾರ ಇರಲಿದೆ. ಸಂಸದೆ ಶೋಭಾ ಕಂರದ್ಲಾಜೆ, ಪಕ್ಷದ ಮುಖಂಡರು , ಕಾರ್ಯಕರ್ತರು ಭಾಗವಹಿಸಲಿದ್ದಾರೆ.