ಮಾಜಿ ಗೃಹ ಸಚಿವ ಅನಿಲ್​ ದೇಶ್​ಮುಖ್​​​ ನ.6ರ ವರೆಗೆ ಇಡಿ ವಶಕ್ಕೆ

•   Tue, Nov 02 2021 05:51:06 PM



• ಮುಂಬೈ, ನ. 02 (DaijiworldNews/HR): ಮಹಾರಾಷ್ಟ್ರ ಮಾಜಿ ಗೃಹ ಸಚಿವ, ಎನ್​ಸಿಪಿಯ ಹಿರಿಯ ನಾಯಕ ಅನಿಲ್​ ದೇಶ್​ಮುಖ್​​ರನ್ನು ನವೆಂಬರ್​ 6ರವರೆಗೆ ಇಡಿ ಕಸ್ಟಡಿಗೆ ನೀಡಲಾಗಿದೆ ಎಂದು ತುಳಿದು ಬಂದಿದೆ.

  

  ಅನಿಲ್​ ದೇಶ್​ಮುಖ್ ಲಂಚ ಆರೋಪವನ್ನು ಎದುರಿಸುತ್ತಿದ್ದು, ಇಡಿಯ ಪ್ರಶ್ನೆಗೆ ಸೂಕ್ತ ಉತ್ತರ ನೀಡುವಲ್ಲಿ ವಿಫಲರಾದ ಕಾರಣ ಅವರನ್ನು ಬಂಧಿಸಿರುವುದಾಗಿ ಹೇಳಿತ್ತು. ಲಂಚದ ಆರೋಪ ಕೇಳಿ ಬಂದ ಹಿನ್ನೆಲೆಯಲ್ಲಿ ದೇಶ್​ಮುಖ್​​ ಈ ವರ್ಷದ ಆರಂಭದಲ್ಲಿಯೇ ಗೃಹ ಸಚಿವನ ಸ್ಥಾನಕ್ಕೆ ರಾಜೀನಾಮೆಯನ್ನೂ ನೀಡಿದ್ದರು.

  ಇನ್ನು ಎನ್​ಸಿಪಿ ಸ್ಥಾಪಕ ಹಾಗೂ ಅಧ್ಯಕ್ಷ ಶರದ್​ಪವಾರ್​ ಆಪ್ತರಾಗಿರುವ ಅನಿಲ್​ ದೇದೇಶಮುಖ್ ಗೆ ಜಾರಿ ನಿರ್ದೇಶನಾಲಯ ಈ ಹಿಂದೆ ಐದು ಬಾರಿ ಸಮನ್ಸ್​ ನೀಡಿತ್ತು.

  ಮಾಜಿ ಸಚಿವ ಅನಿಲ್​ ದೇಶ್​ಮುಖ್​ ವಿರುದ್ಧ ಮುಂಬೈನ ಮಾಜಿ ಪೊಲೀಸ್​ ಉನ್ನತಾಧಿಕಾರಿ ಪರಮ್​ ಬೀರ್​ ಸಿಂಗ್​ ಲಂಚದ ಆರೋಪ ಮಾಡಿದ್ದರು. ಈ ಸಂಬಂಧ ಇಡಿ ಅನಿಲ್​ ದೇಶ್​ಮುಖ್​ಗೆ ಸಾಕಷ್ಟು ಬಾರಿ ಸಮನ್ಸ್​ ನೀಡಿತ್ತು. ಆದರೆ ಈ ಸಮನ್ಸ್​ ರದ್ದುಮಾಡುವಂತೆ ಕೋರಿ ಅನಿಲ್​ ಮುಂಬೈ ಹೈಕೋರ್ಟ್ ಮೆಟ್ಟಿಲೇರಿದ್ದರು.