ಇಂದಿನಿಂದ ಮಾಸಿಕ ಪೂಜೆಗಾಗಿ ತೆರೆಯಲಿದೆ ಶಬರಿಮಲೆ

•   Tue, Nov 02 2021 12:26:27 PM



• ಕೇರಳ, ನ. 02 (DaijiworldNews/HR): ಶಬರಿಮಲೆ ಅಯ್ಯಪ್ಪ ದೇವಸ್ಥಾನವು ಚಿಥಿರ ಅಟ್ಟತಿರುನಾಳ್​​ ಹಬ್ಬದ ಪ್ರಯುಕ್ತ ಇಂದಿನಿಂದ ಪುನಾರಂಭಗೊಂಡಿದ್ದು, ಕೊರೊನಾ ಮಾರ್ಗಸೂಚಿ ಹಿನ್ನೆಲೆ ದೇಗುಲಕ್ಕೆ ಭೇಟಿ ನೀಡಲು ಇಚ್ಛಿಸುವ ಭಕ್ತಾದಿಗಳು ಮುಂಚಿತವಾಗಿಯೇ ಸ್ಲಾಟ್​ ಬುಕ್ಕಿಂಗ್​ ಮಾಡಿಕೊಳ್ಳುವಂತೆ ಸೂಚನೆ ನೀಡಲಾಗಿದೆ.

  

  ದೇಗುಲಕ್ಕೆ ಭೇಟಿ ನೀಡುವ ಭಕ್ತಾದಿಗಳು ಕೊರೊನಾ ಲಸಿಕೆಯ ಎರಡೂ ಡೋಸ್​ಗಳನ್ನು ಪಡೆದಿರುವುದು ಕಡ್ಡಾಯವಾಗಿದ್ದು, ಕೊರೊನಾ ಲಸಿಕೆಯ ಪಡೆಯದವರು ಅಥವಾ ಕೇವಲ 1 ಡೋಸ್​ ಲಸಿಕೆಯನ್ನು ಸ್ವೀಕರಿಸಿದವರು ಕೋವಿಡ್​ ನೆಗೆಟಿವ್​ ವರದಿಯನ್ನು ತರಬೇಕು ಎಂದು ಸೂಚಿಸಲಾಗಿದೆ.

  ಇನ್ನು ಹರಿವರಾಸನದ ಧಾರ್ಮಿಕ ವಿಧಿ ವಿಧಾನಗಳ ಬಳಿಕ ರಾತ್ರಿ 9 ಗಂಟೆಗೆ ಶಬರಿಮಲೆ ದೇಗುಲವು ಬಂದ್​ ಆಗಲಿದ್ದು, ಮಾಸಿಕ ಪೂಜೆಯ ಬಳಿಕ ಶಬರಿಮಲೆ ದೇವಸ್ಥಾನವು ವಾರ್ಷಿಕ ಮಂಡಲಂ ಮಕರವಿಳಕ್ಕು ಉತ್ಸವಕ್ಕಾಗಿ ನವೆಂಬರ್​​ 15ರಂದು ಮತ್ತೆ ತೆರೆಯಲಿದೆ ಎಂದು ತಿಳಿದು ಬಂದಿದೆ.