ನವದೆಹಲಿ: ಫೋನ್ ಪೇ ಬಳಕೆದಾರರಿಗೆ ಇನ್ಮುಂದೆ ಬೀಳುತ್ತೆ ಹೆಚ್ಚುವರಿ ಹೊರೆ!

•   Sun, Oct 24 2021 07:54:18 PM



• ನವದೆಹಲಿ, ಅ. 24 (DaijiworldNews/SM): ಡಿಜಿಟಲೀಕರಣಕ್ಕೆ ಹೆಚ್ಚಿನ ಒತ್ತು ನೀಡಿದ ಬಳಿಕ ಡಿಜಿಟಲ್ ಪೇಮೆಂಟ್ ಆಪ್ ಗಳನ್ನು ಬಳಸುವವರ ಸಂಖ್ಯೆಯಲ್ಲಿ ಏರಿಕೆಯಾಗಿದೆ. ಆದರೆ, ಇದೀಗ ಫೋನ್ ಪೇ ಬಳಕೆದಾರರಿಗೆ ಕಂಪೆನಿ ಶಾಕ್ ಕೊಟ್ಟಿದೆ.

  

  ವಾಲ್ಮಾರ್ಟ್​ ಒಡೆತನದ ಡಿಜಿಟಲ್​ ಪಾವತಿಗಳ ಆ್ಯಪ್​​ ಫೋನ್​ ಪೇ ಇದೀಗ ವಹಿವಾಟುದಾರರಿಗೆ ಎಕ್ಸ್ ಟ್ರಾ ಚಾರ್ಜ್ ವಿಧಿಸಲು ಮುಂದಾಗಿದೆ. ಆರಂಭಿಕ ಹಂತದಲ್ಲಿ ಮೊಬೈಲ್ ರೀಚಾರ್ಜ್ ಗೆ ಹೆಚ್ಚುವರಿ ಮೊತ್ತ ವಿಧಿಸಬೇಕಾಗುತ್ತದೆ.

  ಸದ್ಯ 50 ರೂ.ಗಿಂತ ಕಡಿಮೆ ರೀಚಾರ್ಜ್ ಗಳಿಗೆ ಶುಲ್ಕ ಇರುವುದಿಲ್ಲ. ಆದರೆ, 50 ರೂಪಾಯಿಗಿಂತ ಹೆಚ್ಚು ಮೊಬೈಲ್ ರಿಚಾರ್ಜ್ ಮಾಡಿದರೆ ಆ ವಹಿವಾಟಿನ ಮೇಲೆ 1 ರಿಂದ 2 ರೂಪಾಯಿ ಪ್ರೊಸೆಸಿಂಗ್ ಶುಲ್ಕ ವಿಧಿಸಲಾಗುವುದು ಎಂದು ಕಂಪನಿ ಹೇಳಿದೆ. ರೂ 50 ರಿಂದ ರೂ. 100 ರ ನಡುವಿನ ರೀಚಾರ್ಜ್ ಗಳಿಗೆ ರೂ. 1 ಮತ್ತು ರೂ. 100 ಕ್ಕಿಂತ ಹೆಚ್ಚಕ್ಕೆ ಎರಡು ರೂ. ವಿಧಿಸಲಾಗುತ್ತದೆ.