'ರಾಜ್ಯದಲ್ಲಿರೋದು ಡುಪ್ಲಿಕೇಟ್​ ಕಾಂಗ್ರೆಸ್'​​ - ಹೆಚ್​.ಡಿ. ರೇವಣ್ಣ

•   Fri, Oct 22 2021 07:29:00 PM



• ಬೆಂಗಳೂರು, ಅ.22 (DaijiworldNews/HR): ಕರ್ನಾಟಕದಲ್ಲಿ ಈಗ ಗಾಂಧಿ ಕಾಂಗ್ರೆಸ್​ ಇಲ್ಲ. ಡುಪ್ಲಿಕೇಟ್​ ಕಾಂಗ್ರೆಸ್​ ಇದೆ ಎಂದು ಮಾಜಿ ಸಚಿವ ಹೆಚ್​.ಡಿ. ರೇವಣ್ಣ ಕಾಂಗ್ರೆಸ್ ವಿರುದ್ಧ ಕಿಡಿಕಾರಿದ್ದಾರೆ.

  

  ಈ ಕುರಿತು ಮಾತನಾಡಿದ ಅವರು, "180 ಸೀಟು ಹೊಂದಿದ್ದ ಕಾಂಗ್ರೆಸ್​​ ಈಗ 60-40ಕ್ಕೆ ಕುಸಿದಿದ್ದು, ಪಶ್ಚಿಮ ಬಂಗಾಳ ಚುನಾವಣೆಯಲ್ಲಿ ಕಾಂಗ್ರೆಸ್​ ಠೇವಣಿ ಕೂಡ ಉಳಿಸಿಕೊಂಡಿಲ್ಲ. ಹೀಗಾಗಿ ಇದೊಂದು ಡುಪ್ಲಿಕೇಟ್​​ ಕಾಂಗ್ರೆಸ್​​" ಎಂದಿದ್ದಾರೆ.

  ಆರ್​ಎಸ್​ಎಸ್​​ ವಿಚಾರವಾಗಿ ಮಾತನಾಡಿದ ಅವರು, "ಆರ್​ಎಸ್​ಎಸ್​ ಬಗ್ಗೆ ನನಗೆ ಏನೂ ಗೊತ್ತಿಲ್ಲ. ಜನರ ಸೇವೆ ಮಾಡೋದು ಅಷ್ಟೇ ನನಗೆ ಗೊತ್ತಿದೆ" ಎಂದರು.

  ಇನ್ನು "ಬಿಜೆಪಿ ಸರ್ಕಾರ ರಾಜ್ಯದಲ್ಲಿ ಅಧಿಕಾರಕ್ಕೆ ಬರೋದಕ್ಕೆ ಕಾಂಗ್ರೆಸ್​ನವರೇ ಕಾರಣವಾಗಿದ್ದು, ತುಮಕೂರಿನಲ್ಲಿ ದೇವೇಗೌಡರನ್ನು ಸೋಲಿಸಲು ಕಷ್ಟ ಪಟ್ಟಿದ್ದು ಯಾರು? ಎಂದು ಪ್ರಶ್ನಿಸಿದ್ದಾರೆ.