ಬೆದರು ಬೊಂಬೆಗೆ, ಮೋದಿ, ಶಾ ಮುಖ - ಎಡಿಟ್‌ ಮಾಡಿದ ಚಿತ್ರ ಹಂಚಿಕೊಂಡ ವ್ಯಕ್ತಿಯ ಬಂಧನ

•   Sat, Oct 16 2021 03:48:48 PM



• ಲಕ್ನೋ, ಅ.16 (DaijiworldNews/PY): ಪ್ರಧಾನಿ ನರೇಂದ್ರ ಮೋದಿ ಹಾಗೂ ಕೆಲವು ಪ್ರಮುಖ ವ್ಯಕ್ತಿಗಳ ಮಾರ್ಫ್‌‌ ಮಾಡಿದ ಚಿತ್ರವನ್ನು ವಾಟ್ಯ್ಸಾಪ್‌ನಲ್ಲಿ ಹಂಚಿಕೊಂಡಿದ್ದ ಆರೋಪ ಮೇಲೆ ವ್ಯಕ್ತಿಯೋರ್ವನನ್ನು ಉತ್ತರಪ್ರದೇಶ ಸಂಭಾಲ್‌‌ನಲ್ಲಿ ಪೊಲೀಸರು ಬಂಧಿಸಿದ್ದಾರೆ.

  

  ಬಂಧಿತ ಆರೋಪಿಯನ್ನು ಚಂದೌಸಿ ಪ್ರದೇಶದ ನಿವಾಸಿಯಾದ ಅಭಿಷೇಕ್ ಗುಪ್ತಾ ಎಂದು ಗುರುತಿಸಲಾಗಿದೆ.

  "ಅಭಿಷೇಕ್ ತನ್ನ ವಾಟ್ಸ್ಯಾಪ್‌ ಸ್ಟೇಟಸ್‌ ಆಗಿ ತಾನೇ ಎಡಿಟ್‌ ಮಾಡಿದ ನರೇಂದ್ರ ಮೋದಿ ಹಾಗೂ ಇತರರ ಚಿತ್ರವನ್ನು ಹಂಚಿಕೊಂಡಿದ್ದಾರೆ" ಎಂದು ಪೊಲೀಸ್‌ ವರಿಷ್ಠಾಧಿಕಾರಿ ಚಕ್ರೇಶ್‌‌‌ ಮಿಶ್ರಾ ತಿಳಿಸಿದ್ದಾರೆ.

  "ಆರೋಪಿ, ಗೃಹ ಸಚಿವ ಅಮಿತ್‌ ಶಾ ಸೇರಿದಂತೆ ಯುಪಿ ಸಿಎಂ ಯೋಗಿ ಆದಿತ್ಯನಾಥ್‌‌, ಆರ್‌ಎಸ್‌ಎಸ್‌‌‌ ಮುಖ್ಯಸ್ಥ ಮೋಹನ್‌ ಭಾಗವತ್‌‌ ಹಾಗೂ ಮತ್ತಿತರರ ಮುಖಗಳನ್ನು ಬೆದರು ಬೊಂಬೆಗೆ ಅಂಟಿಸಿ ಎಡಿಟ್‌ ಮಾಡಿರುವ ಚಿತ್ರಗಳನ್ನು ಹಂಚಿಕೊಂಡಿದ್ದರು" ಎಂದು ಹೇಳಿದ್ದಾರೆ.

  ಟ್ವಿಟರ್‌ನಲ್ಲಿ ಈ ಕುರಿತು ಬಂದ ದೂರಿನ ಬಳಿಕ ಪೊಲೀಸರು ಕ್ರಮ ಕೈಗೊಂಡಿದ್ದಾರೆ.

  "ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರೋಪಿ ಅಭಿಷೇಕ್ ಗುಪ್ತಾ ಅವರನ್ನು ಚಂದೌಸಿ ಕೊತ್ವಾಲಿ ಪೊಲೀಸರು ಬಂಧಿಸಿದ್ದು, ಪ್ರಕರಣ ದಾಖಲಿಸಿಕೊಂಡಿದ್ಧಾರೆ" ಎಂದು ತಿಳಿಸಿದ್ದಾರೆ.