ಶಾರ್ಜಾ: ಕ್ವಾಲಿಫೈಯರ್ ಹಂತದಲ್ಲಿ ಮುಗ್ಗರಿಸಿದ ಆರ್ ಸಿಬಿ-14ನೇ ಆವೃತ್ತಿಯಿಂದ ಹೊರಕ್ಕೆ

•   Mon, Oct 11 2021 11:21:45 PM



• ಶಾರ್ಜಾ, ಅ. 11 (DaijiworldNews/SM): ಇಲ್ಲಿನ ಶಾರ್ಜಾ ಇಂಟರ್ ನ್ಯಾಷನಲ್ ಕ್ರಿಕೆಟ್ ಮೈದಾನದಲ್ಲಿ ನಡೆದ ೨ನೇ ಕ್ವಾಲಿಫೈಯರ್ ಪಂದ್ಯದಲ್ಲಿ ಆರ್ ಸಿಬಿ ಮುಗ್ಗರಿಸಿದ್ದು, ಹದಿನಾಲ್ಕನೇ ಆವೃತ್ತಿಯ ಐಪಿಎಲ್ ನಿಂದ ಹೊರ ನಡೆದಿದೆ. ಎರಡನೇ ಕ್ವಾಲಿಫೈಯರ್ ಪಂದ್ಯದಲ್ಲಿ ಕೆ ಕೆ ಆರ್ ತಂಡ ಗೆಲ್ಲುವ ಮೂಲಕ ಮಂಗಳವಾರ ಡೆಲ್ಲಿ ಜೊತೆಗಿನ ಪಂದ್ಯದಲ್ಲಿ ಸೆಣಸಲಿದೆ.

  

  
  
  ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ 20 ಓವರ್ ಗಳಲ್ಲಿ ಏಳು ವಿಕೆಟ್ ನಷ್ಟಕ್ಕೆ 138 ರನ್ ಗಳಿಸಿತು. ಬೆಂಗಳೂರು ಪರ ಪಡಿಕ್ಕಲ್ 21, ವಿರಾಟ್ ಕೊಹ್ಲಿ 39, ಮ್ಯಾಕ್ಸ್ ವೆಲ್ 15, ಶಹಬ್ಬಶ್ 13 ರನ್ ಗಳಿಸಿದರು. ಆರ್ ಸಿಬಿ ತಂಡದಿಂದ ನಿರೀಕ್ಷಿತ ಪ್ರದರ್ಶನ ಸಿಗಲಿಲ್ಲ. ಇನ್ನು ಕೆಕೆಆರ್ ಪರ ನರೆನ್ 4, ಫೆರ್ಗುಸನ್ 2 ವಿಕೆಟ್ ಪಡೆದರು.
  
  ಇನ್ನು ಇದಕ್ಕೆ ಉತ್ತರವಾಗಿ ಕೆಕೆಆರ್ 19.4 ಓವರ್ ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 139 ರನ್ ಗಳಿಸಿ ಗೆಲುವಿನ ನಗೆ ಚೆಲ್ಲಿತು. ಕೆಕೆಆರ್ ಪರ ಶುಭಮನ್ ಗಿಲ್ 29, ವೆಂಕಟೇಶ್ ಐಯ್ಯರ್ 26, ನಿತೀಶ್ ರಾಣ 23,ಸುನಿಲ್ ನರೇನ್ 26 ರನ್ ಗಳಿಸಿದರು. ಆರ್ ಸಿಬಿ ಪರ ಸಿರಾಜ್, ಹರ್ಷಲ್, ಚಾಹಲ್ ತಲಾ 2 ವಿಕೆಟ್ ಗಳನ್ನು ಪಡೆದರು.