ಉಡುಪಿ: ನಿರ್ಜನ ಪ್ರದೇಶದಲ್ಲಿ ಅಸಹಾಯಕರಾಗಿದ್ದ ಒಂಟಿ ಯುವತಿಯ ರಕ್ಷಣೆ

•   Sun, Oct 10 2021 03:57:59 PM



• ಉಡುಪಿ, ಅ.10 (DaijiworlNews/HR): ಅಲೆವೂರು ಚಿಟ್ಪಾಡಿಯಲ್ಲಿ ರಾತ್ರಿ ನಿರ್ಜನ ಪ್ರದೇಶದಲ್ಲಿ ಅಪರಿಚಿತ ಯುವತಿಯೋರ್ವಳು ಅಸಹಾಯಕರಾಗಿ ನೊಂದಿರುವ ಮಹಾರಾಷ್ಟ್ರ ಮೂಲದ ಯುವತಿಯನ್ನು ವಿಶು ಶೆಟ್ಟಿ ಅಂಬಲಪಾಡಿಯವರು ರಕ್ಷಿಸಿ ನಗರ ಪೋಲಿಸ್ ಠಾಣಾ ಸಹಾಯದಿಂದ ಸಖಿ-ಒನ್-ಸ್ಟಾಪ್ ಸೆಂಟರ್‌‌ಗೆ ದಾಖಲಿಸಿರುವ ಘಟನೆ ನಡೆದಿದೆ.

  

  

  ಯುವತಿ ಮೀನಾ (26 ) ಮಹಾರಾಷ್ಟ್ರ ಮೂಲದವಳೆಂಬ ಮಾಹಿತಿ ನೀಡಿದ್ದು, ಹೆಚ್ಚಿನ ಮಾಹಿತಿ ಲಭ್ಯವಿಲ್ಲ.

  ರಾತ್ರಿಯೇ ರಕ್ಷಣೆಯಾಗಿರುವುದರಿಂದ ಸಂಭಾವ್ಯ ದುರಂತವು ತಪ್ಪಿದೆ. ಯುವತಿ ಬರೀ ಕಾಲ್ನಡಿಗೆಯಲ್ಲಿ ನಡೆದು ಸುಸ್ತಾಗಿದ್ದಳು. ರಕ್ಷಣಾ ಸಮಯ ತುರ್ತು ಆಹಾರ ನೀಡಲಾಗಿ ಆರೈಕೆ ಮಾಡಲಾಯಿತು. ಸಂಬಂಧಿಕರು ಇದ್ದಲ್ಲಿ ನಗರ ಠಾಣೆ ಅಥವಾ ಸಖಿ-ಒನ್-ಸ್ಟಾಪ್ ಸೆಂಟರ್ ಗೆ ಸಂಪರ್ಕಿಸಬೇಕಾಗಿ ವಿಶು ಶೆಟ್ಟಿಯವರು ವಿನಂತಿಸಿಕೊಂಡಿದ್ದಾರೆ.

  ರಕ್ಷಣಾ ಕಾರ್ಯದಲ್ಲಿ ಪ್ರಜ್ಪಲ್ ಹೆಗ್ಡೆ(ಮರ್ಣೆ ಪಂಚಾಯತ್ ಸದಸ್ಯ) ಹಾಗೂ ಮಹಿಳಾ ಪೋಲಿಸ್ ರೂಪರವರು ಸಹಕರಿಸಿದರು.