'ಉದ್ಯೋಗ ನಷ್ಟದ ಕುರಿತು ಸತ್ಯ ಒಪ್ಪಿಕೊಂಡ ಬಿಜೆಪಿ ಸರ್ಕಾರ' - ಕಾಂಗ್ರೆಸ್

•   Tue, Sep 28 2021 03:11:08 PM



• ಬೆಂಗಳೂರು, ಸೆ.28 (DaijiworldNews/HR): ಕೇಂದ್ರದ ಬಿಜೆಪಿ ಸರ್ಕಾರ ಉದ್ಯೋಗ ನಷ್ಟವಾಗಿರುವ ಬಗ್ಗೆ ವಾಸ್ತವ ಮರೆಮಾಚಿದ್ದರೂ ಕೊನೆಗೂ ಅನಿವಾರ್ಯವಾಗಿ ಸತ್ಯವನ್ನು ಒಪ್ಪಿಕೊಂಡಿದೆ ಎಂದು ಕಾಂಗ್ರೆಸ್ ಹೇಳಿದೆ.

   

  ಸಾಂದರ್ಭಿಕ ಚಿತ್ರ

  ಕೊರೊನಾದ ಮೊದಲನೇ ಅಲೆಯ ಲಾಕ್‌ಡೌನ್‌‌ನಿಂದ ಮಾರ್ಚ್ ನಿಂದ ಜೂನ್ ಅವಧಿಯಲ್ಲಿ ದೇಶದ 9 ಪ್ರಮುಖ ಕೃಷಿಯೇತರ ವಲಯಗಳಲ್ಲಿ 23.6 ಲಕ್ಷ ಜನರು ಉದ್ಯೋಗ ಕಳೆದುಕೊಂಡಿದ್ದಾರೆ ಎಂದು ಕೇಂದ್ರ ಸರ್ಕಾರದ ಸಮೀಕ್ಷೆ ತಿಳಿಸಿತ್ತು.

  ಈ ಕುರಿತ ಟ್ವೀಟ್ ಮಾಡಿರುವ ಕಾಂಗ್ರೆಸ್, "ಮರ್ಯಾದೆ ಉಳಿಸಿಕೊಳ್ಳುವ ಸಲುವಾಗಿ ವಾಸ್ತವ ಮರೆಮಾಚಿ ಅಂಕಿ ಅಂಶಗಳನ್ನು ನೀಡಿದ್ದರೂ ಬಿಜೆಪಿ ಸರ್ಕಾರವು ಉದ್ಯೋಗ ನಷ್ಟವನ್ನು ಅನಿವಾರ್ಯವಾಗಿ ಒಪ್ಪಿಕೊಂಡಿದ್ದು" ಎಂದಿದೆ.

  ಇನ್ನು ಸರ್ಕಾರದ ಪ್ರಕಾರ, ಕೇವಲ 3 ತಿಂಗಳಲ್ಲಿ 23 ಲಕ್ಷ ಉದ್ಯೋಗ ನಷ್ಟವಾಗಿದ್ದು ಆತಂಕಕಾರಿ ಸಂಗತಿ. 'ಪಕೋಡಾನಾಮಿಕ್ಸ್' ಸೂತ್ರದ ಬಿಜೆಪಿ ಸರ್ಕಾರದಿಂದ ಜನತೆಗೆ ಮತ್ತೊಮ್ಮೆ ಉದ್ಯೋಗ ಸಿಗಬಹುದಾದ ಯಾವ ನಿರೀಕ್ಷೆಯೂ ಇಲ್ಲ ಎಂದು ಹೇಳಿದೆ.

  ಮರ್ಯಾದೆ ಉಳಿಸಿಕೊಳ್ಳುವ ಸಲುವಾಗಿ ವಾಸ್ತವ ಮರೆಮಾಚಿ ಅಂಕಿ ಅಂಶಗಳನ್ನ ನೀಡಿದರೂ ಉದ್ಯೋಗ ನಷ್ಟವನ್ನ ಅನಿವಾರ್ಯವಾಗಿ ಒಪ್ಪಿದೆ.
  
  ಸರ್ಕಾರದ ಪ್ರಕಾರವೇ ಕೇವಲ 3 ತಿಂಗಳಲ್ಲಿ 23 ಲಕ್ಷ ಉದ್ಯೋಗ ನಷ್ಟವಾಗಿದ್ದು ಆತಂಕಕಾರಿ ಸಂಗತಿ.
  
  ಪಕೋಡಾನಾಮಿಕ್ಸ್ ಸೂತ್ರದ @BJP4India ಸರ್ಕಾರದಿಂದ ಜನತೆಗೆ ಮತ್ತೊಮ್ಮೆ ಉದ್ಯೋಗ ಸಿಗಬಹುದಾದ ಯಾವ ನಿರೀಕ್ಷೆಯೂ ಇಲ್ಲ pic.twitter.com/hAkDzmPzhp

  — Karnataka Congress (@INCKarnataka) September 28, 2021